সূক্ত 100

100.1

১৯ বার্ষাগিরাঃ ঋজ্রা শ্বাঽম্বরীষ-সহদেব-ভয়মান-সুরাধসঃ। ইন্দ্রঃ। ত্রিষ্টুপ্।

স যো বৃষা বৃষ্ণ্যেভিঃ সমোকা মহো দিবঃ পৃথিব্যাশ্চ সম্রাট্ ।
সতীনসত্বা হব্যো ভরেষু মরুত্বান্ নো ভবত্বিন্দ্র ঊতী ॥১॥

100.2

যস্যানাপ্তঃ সূর্যস্যেব যামো ভরেভরে বৃত্রহা শুষ্মো অস্তি ।
বৃষন্তমঃ সখিভিঃ স্বেভিরেবৈর্মরুত্বান্ নো ভবত্বিন্দ্র ঊতী ॥২॥

100.3

দিবো ন যস্য রেতসো দুঘানাঃ পন্থাসো যন্তি শবসাপরীতাঃ ।
তরদ্দ্বেষাঃ সাসহিঃ পৌংস্যেভির্মরুত্বান্ নো ভবত্বিন্দ্র ঊতী ॥৩॥

100.4

সো অঙ্গিরোভিরঙ্গিরস্তমো ভূদ্ বৃষা বৃষভিঃ সখিভিঃ সখা সন্ ।
ঋগ্মিভির্ঋগ্মী গাতুভির্জ্যেষ্ঠো মরুত্বান্ নো ভবত্বিন্দ্র ঊতী ॥৪॥

100.5

স সূনুভির্ন রুদ্রেভির্ঋভ্বা নৃষাহ্যে সাসহ্বাঁ অমিত্রান্ ।
সনীলেভিঃ শ্রবস্যানি তূর্বন্ মরুত্বান্ নো ভবত্বিন্দ্র ঊতী ॥৫॥

100.6

স মন্যুমীঃ সমদনস্য কর্তা ঽস্মাকেভির্নৃভিঃ সূর্যং সনৎ ।
অস্মিন্নহন্ত্সত্পতিঃ পুরুহূতো মরুত্বান্ নো ভবত্বিন্দ্র ঊতী ॥৬॥

100.7

তমূতয়ো রণয়ঞ্ছূরসাতৌ তং ক্ষেমস্য ক্ষিতয়ঃ কৃণ্বত ত্রাম্ ।
স বিশ্বস্য করুণস্যেশ একো মরুত্বান্ নো ভবত্বিন্দ্র ঊতী ॥৭॥

100.8

তমপ্সন্ত শবস উত্সবেষু নরো নরমবসে তং ধনায় ।
সো অন্ধে চিৎ তমসি জ্যোতির্বিদন্ মরুত্বান্ নো ভবত্বিন্দ্র ঊতী ॥৮॥

100.9

স সব্যেন যমতি ব্রাধতশ্চিৎ স দক্ষিণে সংগৃভীতা কৃতানি ।
স কীরিণা চিৎ সনিতা ধনানি মরুত্বান্ নো ভবত্বিন্দ্র ঊতী ॥৯॥

100.10

স গ্রামেভিঃ সনিতা স রথেভির্বিদে বিশ্বাভিঃ কৃষ্টিভির্ন্ব১দ্য ।
স পৌংস্যেভিরভিভূরশস্তীর্মরুত্বান্ নো ভবত্বিন্দ্র ঊতী ॥১০॥

100.11

স জামিভির্যৎ সমজাতি মীহ্লে ঽজামিভির্বা পুরুহূত এবৈঃ ।
অপাং তোকস্য তনয়স্য জেষে মরুত্বান্ নো ভবত্বিন্দ্র ঊতী ॥
স বজ্রভৃদ্ দস্যুহা ভীম উগ্রঃ সহস্রচেতাঃ শতনীথ ঋভ্বা ।
চম্রীষো ন শবসা পাঞ্চজন্যো মরুত্বান্ নো ভবত্বিন্দ্র ঊতী ॥১২॥

100.12

তস্য বজ্রঃ ক্রন্দতি স্মৎ স্বর্ষা দিবো ন ত্বেষো রবথঃ শিমীবান্ ।
তং সচন্তে সনয়স্তং ধনানি মরুত্বান্ নো ভবত্বিন্দ্র ঊতী ॥১৩॥

100.13

যস্যাজস্রং শবসা মানমুক্থং পরিভুজদ্ রোদসী বিশ্বতঃ সীম্ ।
স পারিষৎ ক্রতুভির্মন্দসানো মরুত্বান্ নো ভবত্বিন্দ্র ঊতী ॥১৪॥

100.14

ন যস্য দেবা দেবতা ন মর্তা আপশ্চন শবসো অন্তমাপুঃ ।
স প্ররিক্বা ত্বক্ষসা ক্ষ্মো দিবশ্চ মরুত্বান্ নো ভবত্বিন্দ্র ঊতী ॥১৫॥

100.15

রোহিচ্ছ্যাবা সুমদংশুর্ললামীর্দ্যুক্ষা রায় ঋজ্রাশ্বস্য ।
বৃষণ্বন্তং বিভ্রতী ধূর্ষু রথং মন্দ্রা চিকেত নাহুষীষু বিক্ষু ॥১৬॥

100.16

এতৎ ত্যৎ ত ইন্দ্র বৃষ্ণ উক্থং বার্ষাগিরা অভি গৃণন্তি রাধঃ ।
ঋজ্রাশ্বঃ প্রষ্টিভিরম্বরীষঃ সহদেবো ভয়মানঃ সুরাধাঃ ॥১৭॥

100.17

দস্যূঞ্ছিম্যূঁশ্চ পুরুহূত এবৈর্হত্বা পৃথিব্যাং শর্বা নি বর্হীৎ ।
সনৎ ক্ষেত্রং সখিভিঃ শ্বিত্ন্যেভিঃ সনৎ সূর্যং সনদপঃ সুবজ্রঃ ॥১৮॥

100.18

বিশ্বাহেন্দ্রো অধিবক্তা নো অস্ত্বপরিহ্বৃতাঃ সনুয়াম বাজম্ ।
তন্নো মিত্রো বরুণো মামহন্তামদিতিঃ সিন্ধুঃ পৃথিবী উত দ্যৌঃ ॥১৯॥