Utshovঅধ্যায় 15
15.1
জনমেজয় উবাচ
বিজিতে পাণ্ডবেয়ৈস্তু প্রশান্তে চ দ্বিজোত্তম
রাষ্ট্রে কিং চক্রতুর্বীরৌ বাসুদেবধনংজয়ৌ
15.2
বৈশংপায়ন উবাচ
বিজিতে পাণ্ডবেয়ৈস্তু প্রশান্তে চ বিশাং পতে
রাষ্ট্রে বভূবতুর্হৃষ্টৌ বাসুদেবধনংজয়ৌ
15.3
বিজহ্রাতে মুদা যুক্তৌ দিবি দেবেশ্বরাবিব
তৌ বনেষু বিচিত্রেষু পর্বতানাং চ সানুষু
15.4
শৈলেষু রমণীয়েষু পল্বলেষু নদীষু চ
চঙ্ক্রম্যমাণৌ সংহৃষ্টাবশ্বিনাবিব নন্দনে
15.5
ইন্দ্রপ্রস্থে মহাত্মানৌ রেমাতে কৃষ্ণপাণ্ডবৌ
প্রবিশ্য তাং সভাং রম্যাং বিজহ্রাতে চ ভারত
15.6
তত্র যুদ্ধকথাশ্চিত্রাঃ পরিক্লেশাংশ্চ পার্থিব
কথায়োগে কথায়োগে কথয়ামাসতুস্তদা
15.7
ঋষীণাং দেবতানাং চ বংশাংস্তাবাহতুস্তদা
প্রীয়মাণৌ মহাত্মানৌ পুরাণাবৃষিসত্তমৌ
15.8
মধুরাস্তু কথাশ্চিত্রাশ্চিত্রার্থপদনিশ্চয়াঃ
নিশ্চয়জ্ঞঃ স পার্থায় কথয়ামাস কেশবঃ
15.9
পুত্রশোকাভিসংতপ্তং জ্ঞাতীনাং চ সহস্রশঃ
কথাভিঃ শময়ামাস পার্থং শৌরির্জনার্দনঃ
15.10
স তমাশ্বাস্য বিধিবদ্বিধানজ্ঞো মহাতপাঃ
অপহৃত্যাত্মনো ভারং বিশশ্রামেব সাত্বতঃ
15.11
ততঃ কথান্তে গোবিন্দো গুডাকেশমুবাচ হ
সান্ত্বয়ঞ্শ্লক্ষ্ণয়া বাচা হেতুয়ুক্তমিদং বচঃ
15.12
বিজিতেয়ং ধরা কৃত্স্না সব্যসাচিন্পরংতপ
ত্বদ্বাহুবলমাশ্রিত্য রাজ্ঞা ধর্মসুতেন হ
15.13
অসপত্নাং মহীং ভুঙ্ক্তে ধর্মরাজো যুধিষ্ঠিরঃ
ভীমসেনপ্রভাবেন যময়োশ্চ নরোত্তম
15.14
ধর্মেণ রাজ্ঞা ধর্মজ্ঞ প্রাপ্তং রাজ্যমকণ্টকম্
ধর্মেণ নিহতঃ সংখ্যে স চ রাজা সুয়োধনঃ
15.15
অধর্মরুচয়ো লুব্ধাঃ সদা চাপ্রিয়বাদিনঃ
ধার্তরাষ্ট্রা দুরাত্মানঃ সানুবন্ধা নিপাতিতাঃ
15.16
প্রশান্তামখিলাং পার্থ পৃথিবীং পৃথিবীপতিঃ
ভুঙ্ক্তে ধর্মসুতো রাজা ত্বয়া গুপ্তঃ কুরূদ্বহ
15.17
রমে চাহং ত্বয়া সার্ধমরণ্যেষ্বপি পাণ্ডব
কিমু যত্র জনোঽয়ং বৈ পৃথা চামিত্রকর্শন
15.18
যত্র ধর্মসুতো রাজা যত্র ভীমো মহাবলঃ
যত্র মাদ্রবতীপুত্রৌ রতিস্তত্র পরা মম
15.19
তথৈব স্বর্গকল্পেষু সভোদ্দেশেষু ভারত
রমণীয়েষু পুণ্যেষু সহিতস্য ত্বয়ানঘ
15.20
কালো মহাংস্ত্বতীতো মে শূরপুত্রমপশ্যতঃ
বলদেবং চ কৌরব্য তথান্যান্বৃষ্ণিপুংগবান্
15.21
সোঽহং গন্তুমভীপ্সামি পুরীং দ্বারবতীং প্রতি
রোচতাং গমনং মহ্যং তবাপি পুরুষর্ষভ
15.22
উক্তো বহুবিধং রাজা তত্র তত্র যুধিষ্ঠিরঃ
স হ ভীষ্মেণ যদ্যুক্তমস্মাভিঃ শোককারিতে
15.23
শিষ্টো যুধিষ্ঠিরোঽস্মাভিঃ শাস্তা সন্নপি পাণ্ডবঃ
তেন তচ্চ বচঃ সম্যগ্গৃহীতং সুমহাত্মনা
15.24
ধর্মপুত্রে হি ধর্মজ্ঞে কৃতজ্ঞে সত্যবাদিনি
সত্যং ধর্মো মতিশ্চাগ্র্যা স্থিতিশ্চ সততং স্থিরা
15.25
তদ্গত্বা তং মহাত্মানং যদি তে রোচতেঽর্জুন
অস্মদ্গমনসংয়ুক্তং বচো ব্রূহি জনাধিপম্
15.26
ন হি তস্যাপ্রিয়ং কুর্যাং প্রাণত্যাগেঽপ্যুপস্থিতে
কুতো গন্তুং মহাবাহো পুরীং দ্বারবতীং প্রতি
15.27
সর্বং ত্বিদমহং পার্থ ত্বত্প্রীতিহিতকাম্যয়া
ব্রবীমি সত্যং কৌরব্য ন মিথ্যৈতত্কথংচন
15.28
প্রয়োজনং চ নির্বৃত্তমিহ বাসে মমার্জুন
ধার্তরাষ্ট্রো হতো রাজা সবলঃ সপদানুগঃ
15.29
পৃথিবী চ বশে তাত ধর্মপুত্রস্য ধীমতঃ
স্থিতা সমুদ্রবসনা সশৈলবনকাননা
চিতা রত্নৈর্বহুবিধৈঃ কুরুরাজস্য পাণ্ডব
15.30
ধর্মেণ রাজা ধর্মজ্ঞঃ পাতু সর্বাং বসুংধরাম্
উপাস্যমানো বহুভিঃ সিদ্ধৈশ্চাপি মহাত্মভিঃ
স্তূয়মানশ্চ সততং বন্দিভির্ভরতর্ষভ
15.31
তন্ময়া সহ গত্বাদ্য রাজানং কুরুবর্ধনম্
আপৃচ্ছ কুরুশার্দূল গমনং দ্বারকাং প্রতি
15.32
ইদং শরীরং বসু যচ্চ মে গৃহে; নিবেদিতং পার্থ সদা যুধিষ্ঠিরে
প্রিয়শ্চ মান্যশ্চ হি মে যুধিষ্ঠিরঃ; সদা কুরূণামধিপো মহামতিঃ
15.33
প্রয়োজনং চাপি নিবাসকারণে; ন বিদ্যতে মে ত্বদৃতে মহাভুজ
স্থিতা হি পৃথ্বী তব পার্থ শাসনে; গুরোঃ সুবৃত্তস্য যুধিষ্ঠিরস্য হ
15.34
ইতীদমুক্তং স তদা মহাত্মনা; জনার্দনেনামিতবিক্রমোঽর্জুনঃ
তথেতি কৃচ্ছ্রাদিব বাচমীরয়;জ্জনার্দনং সংপ্রতিপূজ্য পার্থিব