মহাভারত 329.48

নারায়ণো লোকহিতার্থং বডবামুখো নাম মহর্ষিঃ পুরাভবৎ
তস্য মেরৌ তপস্তপ্যতঃ সমুদ্র আহূতো নাগতঃ
তেনামর্ষিতেনাত্মগাত্রোষ্মণা সমুদ্রঃ স্তিমিতজলঃ কৃতঃ
স্বেদপ্রস্যন্দনসদৃশশ্চাস্য লবণভাবো জনিতঃ
উক্তশ্চাপেয়ো ভবিষ্যসি
এতচ্চ তে তোয়ং বডবামুখসংজ্ঞিতেন পীয়মানং মধুরং ভবিষ্যতি
তদেতদদ্যাপি বডবামুখসংজ্ঞিতেনানুবর্তিনা তোয়ং সামুদ্রং পীয়তে

সম্পূর্ণ অধ্যায়