মহাভারত 329.3

সংপ্রক্ষালনকালেঽতিক্রান্তে চতুর্থে যুগসহস্রান্তে
অব্যক্তে সর্বভূতপ্রলয়ে স্থাবরজঙ্গমে
জ্যোতির্ধরণিবায়ুরহিতেঽন্ধে তমসি জলৈকার্ণবে লোকে
তম ইত্যেবাভিভূতেঽসংজ্ঞকেঽদ্বিতীয়ে প্রতিষ্ঠিতে
নৈব রাত্র্যাং ন দিবসে ন সতি নাসতি ন ব্যক্তে নাব্যক্তে ব্যবস্থিতে
এতস্যামবস্থায়াং নারায়ণগুণাশ্রয়াদক্ষয়াদজরাদনিন্দ্রিয়াদগ্রাহ্যাদসংভবাত্সত্যাদহিংস্রাল্ললামাদ্বিবিধপ্রবৃত্তিবিশেষাৎ
অক্ষয়াদজরামরাদমূর্তিতঃ সর্বব্যাপিনঃ সর্বকর্তুঃ শাশ্বতাত্তমসঃ পুরুষঃ প্রাদুর্ভূতো হরিরব্যয়ঃ

সম্পূর্ণ অধ্যায়