Utshovঅধ্যায় 18
18.1
অর্জুন উবাচ
সংন্যাসস্য মহাবাহো তত্ত্বমিচ্ছামি বেদিতুম্।
ত্যাগস্য চ হৃষীকেশ পৃথক্কেশিনিষূদন।।18.1।।
18.2
শ্রী ভগবানুবাচ
কাম্যানাং কর্মণাং ন্যাসং সংন্যাসং কবয়ো বিদুঃ।
সর্বকর্মফলত্যাগং প্রাহুস্ত্যাগং বিচক্ষণাঃ।।18.2।।
18.3
ত্যাজ্যং দোষবদিত্যেকে কর্ম প্রাহুর্মনীষিণঃ।
যজ্ঞদানতপঃকর্ম ন ত্যাজ্যমিতি চাপরে।।18.3।।
18.4
নিশ্চয়ং শ্রৃণু মে তত্র ত্যাগে ভরতসত্তম।ত্যাগো হি পুরুষব্যাঘ্র ত্রিবিধঃ সংপ্রকীর্তিতঃ।।18.4।।
18.5
যজ্ঞদানতপঃকর্ম ন ত্যাজ্যং কার্যমেব তৎ।যজ্ঞো দানং তপশ্চৈব পাবনানি মনীষিণাম্।।18.5।।
18.6
এতান্যপি তু কর্মাণি সঙ্গং ত্যক্ত্বা ফলানি চ।কর্তব্যানীতি মে পার্থ নিশ্িচতং মতমুত্তমম্।।18.6।।
18.7
নিয়তস্য তু সংন্যাসঃ কর্মণো নোপপদ্যতে।মোহাত্তস্য পরিত্যাগস্তামসঃ পরিকীর্তিতঃ।।18.7।।
18.8
দুঃখমিত্যেব যত্কর্ম কায়ক্লেশভয়াত্ত্যজেৎ।স কৃত্বা রাজসং ত্যাগং নৈব ত্যাগফলং লভেৎ।।18.8।।
18.9
কার্যমিত্যেব যত্কর্ম নিয়তং ক্রিয়তেঽর্জুন।সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ।।18.9।।
18.10
ন দ্বেষ্ট্যকুশলং কর্ম কুশলে নানুষজ্জতে।ত্যাগী সত্ত্বসমাবিষ্টো মেধাবী ছিন্নসংশয়ঃ।।18.10।।
18.11
ন হি দেহভৃতা শক্যং ত্যক্তুং কর্মাণ্যশেষতঃ।যস্তু কর্মফলত্যাগী স ত্যাগীত্যভিধীয়তে।।18.11।।
18.12
অনিষ্টমিষ্টং মিশ্রং চ ত্রিবিধং কর্মণঃ ফলম্।ভবত্যত্যাগিনাং প্রেত্য ন তু সংন্যাসিনাং ক্বচিৎ।।18.12।।
18.13
পঞ্চৈতানি মহাবাহো কারণানি নিবোধ মে।সাংখ্যে কৃতান্তে প্রোক্তানি সিদ্ধয়ে সর্বকর্মণাম্।।18.13।।
18.14
অধিষ্ঠানং তথা কর্তা করণং চ পৃথগ্বিধম্।বিবিধাশ্চ পৃথক্চেষ্টা দৈবং চৈবাত্র পঞ্চমম্।।18.14।।
18.15
শরীরবাঙ্মনোভির্যত্কর্ম প্রারভতে নরঃ।ন্যায্যং বা বিপরীতং বা পঞ্চৈতে তস্য হেতবঃ।।18.15।।
18.16
তত্রৈবং সতি কর্তারমাত্মানং কেবলং তু যঃ।পশ্যত্যকৃতবুদ্ধিত্বান্ন স পশ্যতি দুর্মতিঃ।।18.16।।
18.17
যস্য নাহংকৃতো ভাবো বুদ্ধির্যস্য ন লিপ্যতে।হত্বাপি স ইমাঁল্লোকান্ন হন্তি ন নিবধ্যতে।।18.17।।
18.18
জ্ঞানং জ্ঞেয়ং পরিজ্ঞাতা ত্রিবিধা কর্মচোদনা।করণং কর্ম কর্তেতি ত্রিবিধঃ কর্মসংগ্রহঃ।।18.18।।
18.19
জ্ঞানং কর্ম চ কর্তা চ ত্রিধৈব গুণভেদতঃ।প্রোচ্যতে গুণসংখ্যানে যথাবচ্ছৃণু তান্যপি।।18.19।।
18.20
সর্বভূতেষু যেনৈকং ভাবমব্যয়মীক্ষতে।অবিভক্তং বিভক্তেষু তজ্জ্ঞানং বিদ্ধি সাত্ত্বিকম্।।18.20।।
18.21
পৃথক্ত্বেন তু যজ্জ্ঞানং নানাভাবান্পৃথগ্বিধান্।বেত্তি সর্বেষু ভূতেষু তজ্জ্ঞানং বিদ্ধি রাজসম্।।18.21।।
18.22
যত্তু কৃত্স্নবদেকস্মিন্কার্যে সক্তমহৈতুকম্।অতত্ত্বার্থবদল্পং চ তত্তামসমুদাহৃতম্।।18.22।।
18.23
নিয়তং সঙ্গরহিতমরাগদ্বেষতঃ কৃতম্।অফলপ্রেপ্সুনা কর্ম যত্তত্সাত্ত্বিকমুচ্যতে।।18.23।।
18.24
যত্তু কামেপ্সুনা কর্ম সাহঙ্কারেণ বা পুনঃ।ক্রিয়তে বহুলায়াসং তদ্রাজসমুদাহৃতম্।।18.24।।
18.25
অনুবন্ধং ক্ষয়ং হিংসামনপেক্ষ্য চ পৌরুষম্।মোহাদারভ্যতে কর্ম যত্তত্তামসমুচ্যতে।।18.25।।
18.26
মুক্তসঙ্গোঽনহংবাদী ধৃত্যুত্সাহসমন্বিতঃ।সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে।।18.26।।
18.27
রাগী কর্মফলপ্রেপ্সুর্লুব্ধো হিংসাত্মকোঽশুচিঃ।হর্ষশোকান্বিতঃ কর্তা রাজসঃ পরিকীর্তিতঃ।।18.27।।
18.28
অয়ুক্তঃ প্রাকৃতঃ স্তব্ধঃ শঠো নৈষ্কৃতিকোঽলসঃ।বিষাদী দীর্ঘসূত্রী চ কর্তা তামস উচ্যতে।।18.28।।
18.29
বুদ্ধের্ভেদং ধৃতেশ্চৈব গুণতস্ত্রিবিধং শ্রৃণু।প্রোচ্যমানমশেষেণ পৃথক্ত্বেন ধনঞ্জয়।।18.29।।
18.30
প্রবৃত্তিং চ নিবৃত্তিং চ কার্যাকার্যে ভয়াভয়ে।বন্ধং মোক্ষং চ যা বেত্তি বুদ্ধিঃ সা পার্থ সাত্ত্বিকী।।18.30।।
18.31
যয়া ধর্মমধর্মং চ কার্যং চাকার্যমেব চ।অয়থাবত্প্রজানাতি বুদ্ধিঃ সা পার্থ রাজসী।।18.31।।
18.32
অধর্মং ধর্মমিতি যা মন্যতে তমসাঽঽবৃতা।সর্বার্থান্বিপরীতাংশ্চ বুদ্ধিঃ সা পার্থ তামসী।।18.32।।
18.33
ধৃত্যা যয়া ধারয়তে মনঃপ্রাণেন্দ্রিয়ক্রিয়াঃ।যোগেনাব্যভিচারিণ্যা ধৃতিঃ সা পার্থ সাত্ত্বিকী।।18.33।।
18.34
যয়া তু ধর্মকামার্থান্ ধৃত্যা ধারয়তেঽর্জুন।প্রসঙ্গেন ফলাকাঙ্ক্ষী ধৃতিঃ সা পার্থ রাজসী।।18.34।।
18.35
যয়া স্বপ্নং ভয়ং শোকং বিষাদং মদমেব চ।ন বিমুঞ্চতি দুর্মেধা ধৃতিঃ সা পার্থ তামসী।।18.35।।
18.36
সুখং ত্বিদানীং ত্রিবিধং শ্রৃণু মে ভরতর্ষভ।অভ্যাসাদ্রমতে যত্র দুঃখান্তং চ নিগচ্ছতি।।18.36।।
18.37
যত্তদগ্রে বিষমিব পরিণামেঽমৃতোপমম্।তত্সুখং সাত্ত্বিকং প্রোক্তমাত্মবুদ্ধিপ্রসাদজম্।।18.37।।
18.38
বিষয়েন্দ্রিয়সংয়োগাদ্যত্তদগ্রেঽমৃতোপমম্।পরিণামে বিষমিব তত্সুখং রাজসং স্মৃতম্।।18.38।।
18.39
যদগ্রে চানুবন্ধে চ সুখং মোহনমাত্মনঃ।নিদ্রালস্যপ্রমাদোত্থং তত্তামসমুদাহৃতম্।।18.39।।
18.40
ন তদস্তি পৃথিব্যাং বা দিবি দেবেষু বা পুনঃ।সত্ত্বং প্রকৃতিজৈর্মুক্তং যদেভিঃ স্যাত্িত্রভির্গুণৈঃ।।18.40।।
18.41
ব্রাহ্মণক্ষত্রিয়বিশাং শূদ্রাণাং চ পরংতপ।কর্মাণি প্রবিভক্তানি স্বভাবপ্রভবৈর্গুণৈঃ।।18.41।।
18.42
শমো দমস্তপঃ শৌচং ক্ষান্তিরার্জবমেব চ।জ্ঞানং বিজ্ঞানমাস্তিক্যং ব্রহ্মকর্ম স্বভাবজম্।।18.42।।
18.43
শৌর্যং তেজো ধৃতির্দাক্ষ্যং যুদ্ধে চাপ্যপলায়নম্।দানমীশ্বরভাবশ্চ ক্ষাত্রং কর্ম স্বভাবজম্।।18.43।।
18.44
কৃষিগৌরক্ষ্যবাণিজ্যং বৈশ্যকর্ম স্বভাবজম্।পরিচর্যাত্মকং কর্ম শূদ্রস্যাপি স্বভাবজম্।।18.44।।
18.45
স্বে স্বে কর্মণ্যভিরতঃ সংসিদ্ধিং লভতে নরঃ।স্বকর্মনিরতঃ সিদ্ধিং যথা বিন্দতি তচ্ছৃণু।।18.45।।
18.46
যতঃ প্রবৃত্তির্ভূতানাং যেন সর্বমিদং ততম্।স্বকর্মণা তমভ্যর্চ্য সিদ্ধিং বিন্দতি মানবঃ।।18.46।।
18.47
শ্রেয়ান্স্বধর্মো বিগুণঃ পরধর্মাত্স্বনুষ্ঠিতাৎ।স্বভাবনিয়তং কর্ম কুর্বন্নাপ্নোতি কিল্বিষম্।।18.47।।
18.48
সহজং কর্ম কৌন্তেয় সদোষমপি ন ত্যজেৎ।সর্বারম্ভা হি দোষেণ ধূমেনাগ্নিরিবাবৃতাঃ।।18.48।।
18.49
অসক্তবুদ্ধিঃ সর্বত্র জিতাত্মা বিগতস্পৃহঃ।নৈষ্কর্ম্যসিদ্ধিং পরমাং সংন্যাসেনাধিগচ্ছতি।।18.49।।
18.50
সিদ্ধিং প্রাপ্তো যথা ব্রহ্ম তথাপ্নোতি নিবোধ মে।সমাসেনৈব কৌন্তেয় নিষ্ঠা জ্ঞানস্য যা পরা।।18.50।।
18.51
বুদ্ধ্যা বিশুদ্ধয়া যুক্তো ধৃত্যাঽঽত্মানং নিয়ম্য চ।শব্দাদীন্ বিষয়াংস্ত্যক্ত্বা রাগদ্বেষৌ ব্যুদস্য চ।।18.51।।
18.52
বিবিক্তসেবী লঘ্বাশী যতবাক্কায়মানসঃ।ধ্যানয়োগপরো নিত্যং বৈরাগ্যং সমুপাশ্রিতঃ।।18.52।।
18.53
অহঙ্কারং বলং দর্পং কামং ক্রোধং পরিগ্রহম্।বিমুচ্য নির্মমঃ শান্তো ব্রহ্মভূয়ায় কল্পতে।।18.53।।
18.54
ব্রহ্মভূতঃ প্রসন্নাত্মা ন শোচতি ন কাঙ্ক্ষতি।সমঃ সর্বেষু ভূতেষু মদ্ভক্তিং লভতে পরাম্।।18.54।।
18.55
ভক্ত্যা মামভিজানাতি যাবান্যশ্চাস্মি তত্ত্বতঃ।ততো মাং তত্ত্বতো জ্ঞাত্বা বিশতে তদনন্তরম্।।18.55।।
18.56
সর্বকর্মাণ্যপি সদা কুর্বাণো মদ্ব্যপাশ্রয়ঃ।মত্প্রসাদাদবাপ্নোতি শাশ্বতং পদমব্যয়ম্।।18.56।।
18.57
চেতসা সর্বকর্মাণি ময়ি সংন্যস্য মত্পরঃ।বুদ্ধিয়োগমুপাশ্রিত্য মচ্চিত্তঃ সততং ভব।।18.57।।
18.58
মচ্চিত্তঃ সর্বদুর্গাণি মত্প্রসাদাত্তরিষ্যসি।অথ চেত্ত্বমহঙ্কারান্ন শ্রোষ্যসি বিনঙ্ক্ষ্যসি।।18.58।।
18.59
যদহঙ্কারমাশ্রিত্য ন যোত্স্য ইতি মন্যসে।মিথ্যৈষ ব্যবসায়স্তে প্রকৃতিস্ত্বাং নিয়োক্ষ্যতি।।18.59।।
18.60
স্বভাবজেন কৌন্তেয় নিবদ্ধঃ স্বেন কর্মণা।কর্তুং নেচ্ছসি যন্মোহাত্করিষ্যস্যবশোঽপি তৎ।।18.60।।
18.61
ঈশ্বরঃ সর্বভূতানাং হৃদ্দেশেঽর্জুন তিষ্ঠতি।ভ্রাময়ন্সর্বভূতানি যন্ত্রারূঢানি মায়য়া।।18.61।।
18.62
তমেব শরণং গচ্ছ সর্বভাবেন ভারত।তত্প্রসাদাত্পরাং শান্তিং স্থানং প্রাপ্স্যসি শাশ্বতম্।।18.62।।
18.63
ইতি তে জ্ঞানমাখ্যাতং গুহ্যাদ্গুহ্যতরং ময়া।বিমৃশ্যৈতদশেষেণ যথেচ্ছসি তথা কুরু।।18.63।।
18.64
সর্বগুহ্যতমং ভূয়ঃ শ্রৃণু মে পরমং বচঃ।ইষ্টোঽসি মে দৃঢমিতি ততো বক্ষ্যামি তে হিতম্।।18.64।।
18.65
মন্মনা ভব মদ্ভক্তো মদ্যাজী মাং নমস্কুরু।মামেবৈষ্যসি সত্যং তে প্রতিজানে প্রিয়োঽসি মে।।18.65।।
18.66
সর্বধর্মান্পরিত্যজ্য মামেকং শরণং ব্রজ।অহং ত্বা সর্বপাপেভ্যো মোক্ষয়িষ্যামি মা শুচঃ।।18.66।।
18.67
ইদং তে নাতপস্কায় নাভক্তায় কদাচন।ন চাশুশ্রূষবে বাচ্যং ন চ মাং যোঽভ্যসূয়তি।।18.67।।
18.68
য ইমং পরমং গুহ্যং মদ্ভক্তেষ্বভিধাস্যতি।ভক্িতং ময়ি পরাং কৃত্বা মামেবৈষ্যত্যসংশয়ঃ।।18.68।।
18.69
ন চ তস্মান্মনুষ্যেষু কশ্িচন্মে প্রিয়কৃত্তমঃ।ভবিতা ন চ মে তস্মাদন্যঃ প্রিয়তরো ভুবি।।18.69।।
18.70
অধ্যেষ্যতে চ য ইমং ধর্ম্যং সংবাদমাবয়োঃ।জ্ঞানয়জ্ঞেন তেনাহমিষ্টঃ স্যামিতি মে মতিঃ।।18.70।।
18.71
শ্রদ্ধাবাননসূয়শ্চ শ্রৃণুয়াদপি যো নরঃ।সোঽপি মুক্তঃ শুভাঁল্লোকান্প্রাপ্নুয়াত্পুণ্যকর্মণাম্।।18.71।।
18.72
কচ্চিদেতচ্ছ্রুতং পার্থ ত্বয়ৈকাগ্রেণ চেতসা।কচ্চিদজ্ঞানসংমোহঃ প্রনষ্টস্তে ধনঞ্জয়।।18.72।।
18.73
অর্জুন উবাচনষ্টো মোহঃ স্মৃতির্লব্ধা ত্বত্প্রসাদান্ময়াচ্যুত।স্থিতোঽস্মি গতসন্দেহঃ করিষ্যে বচনং তব।।18.73।।
18.74
সঞ্জয় উবাচইত্যহং বাসুদেবস্য পার্থস্য চ মহাত্মনঃ।সংবাদমিমমশ্রৌষমদ্ভুতং রোমহর্ষণম্।।18.74।।
18.75
ব্যাসপ্রসাদাচ্ছ্রুতবানেতদ্গুহ্যমহং পরম্।যোগং যোগেশ্বরাত্কৃষ্ণাত্সাক্ষাত্কথয়তঃ স্বয়ম্।।18.75।।
18.76
রাজন্সংস্মৃত্য সংস্মৃত্য সংবাদমিমমদ্ভুতম্।কেশবার্জুনয়োঃ পুণ্যং হৃষ্যামি চ মুহুর্মুহুঃ।।18.76।।
18.77
তচ্চ সংস্মৃত্য সংস্মৃত্য রূপমত্যদ্ভুতং হরেঃ।
বিস্ময়ো মে মহান্ রাজন্ হৃষ্যামি চ পুনঃ পুনঃ।।18.77।।
18.78
যত্র যোগেশ্বরঃ কৃষ্ণো যত্র পার্থো ধনুর্ধরঃ।
তত্র শ্রীর্বিজয়ো ভূতির্ধ্রুবা নীতির্মতির্মম।।18.78।