Utshovঅধ্যায় 17
17.1
অর্জুন উবাচয়ে শাস্ত্রবিধিমুত্সৃজ্য যজন্তে শ্রদ্ধয়াঽন্বিতাঃ।তেষাং নিষ্ঠা তু কা কৃষ্ণ সত্ত্বমাহো রজস্তমঃ।।17.1।।
17.2
শ্রী ভগবানুবাচত্রিবিধা ভবতি শ্রদ্ধা দেহিনাং সা স্বভাবজা।সাত্ত্বিকী রাজসী চৈব তামসী চেতি তাং শ্রৃণু।।17.2।।
17.3
সত্ত্বানুরূপা সর্বস্য শ্রদ্ধা ভবতি ভারত।শ্রদ্ধাময়োঽয়ং পুরুষো যো যচ্ছ্রদ্ধঃ স এব সঃ।।17.3।।
17.4
যজন্তে সাত্ত্বিকা দেবান্যক্ষরক্ষাংসি রাজসাঃ।প্রেতান্ভূতগণাংশ্চান্যে যজন্তে তামসা জনাঃ।।17.4।।
17.5
অশাস্ত্রবিহিতং ঘোরং তপ্যন্তে যে তপো জনাঃ।দম্ভাহঙ্কারসংয়ুক্তাঃ কামরাগবলান্বিতাঃ।।17.5।।
17.6
কর্ষয়ন্তঃ শরীরস্থং ভূতগ্রামমচেতসঃ।মাং চৈবান্তঃশরীরস্থং তান্বিদ্ধ্যাসুরনিশ্চয়ান্।।17.6।।
17.7
আহারস্ত্বপি সর্বস্য ত্রিবিধো ভবতি প্রিয়ঃ।যজ্ঞস্তপস্তথা দানং তেষাং ভেদমিমং শ্রৃণু।।17.7।।
17.8
আয়ুঃসত্ত্ববলারোগ্যসুখপ্রীতিবিবর্ধনাঃ।রস্যাঃ স্নিগ্ধাঃ স্থিরা হৃদ্যা আহারাঃ সাত্ত্বিকপ্রিয়াঃ।।17.8।।
17.9
কট্বম্ললবণাত্যুষ্ণতীক্ষ্ণরূক্ষবিদাহিনঃ।আহারা রাজসস্যেষ্টা দুঃখশোকাময়প্রদাঃ।।17.9।।
17.10
যাতয়ামং গতরসং পূতি পর্যুষিতং চ যৎ।উচ্ছিষ্টমপি চামেধ্যং ভোজনং তামসপ্রিয়ম্।।17.10।।
17.11
অফলাকাঙ্ক্ষিভির্যজ্ঞো বিধিদৃষ্টো য ইজ্যতে।যষ্টব্যমেবেতি মনঃ সমাধায় স সাত্ত্বিকঃ।।17.11।।
17.12
অভিসংধায় তু ফলং দম্ভার্থমপি চৈব যৎ।ইজ্যতে ভরতশ্রেষ্ঠ তং যজ্ঞং বিদ্ধি রাজসম্।।17.12।।
17.13
বিধিহীনমসৃষ্টান্নং মন্ত্রহীনমদক্ষিণম্।শ্রদ্ধাবিরহিতং যজ্ঞং তামসং পরিচক্ষতে।।17.13।।
17.14
দেবদ্বিজগুরুপ্রাজ্ঞপূজনং শৌচমার্জবম্।ব্রহ্মচর্যমহিংসা চ শারীরং তপ উচ্যতে।।17.14।।
17.15
অনুদ্বেগকরং বাক্যং সত্যং প্রিয়হিতং চ যৎ।স্বাধ্যায়াভ্যসনং চৈব বাঙ্ময়ং তপ উচ্যতে।।17.15।।
17.16
মনঃপ্রসাদঃ সৌম্যত্বং মৌনমাত্মবিনিগ্রহঃ।ভাবসংশুদ্ধিরিত্যেতত্তপো মানসমুচ্যতে।।17.16।।
17.17
শ্রদ্ধয়া পরয়া তপ্তং তপস্তত্িত্রবিধং নরৈঃ।অফলাকাঙ্ক্ষিভির্যুক্তৈঃ সাত্ত্বিকং পরিচক্ষতে।।17.17।।
17.18
সত্কারমানপূজার্থং তপো দম্ভেন চৈব যৎ।ক্রিয়তে তদিহ প্রোক্তং রাজসং চলমধ্রুবম্।।17.18।।
17.19
মূঢগ্রাহেণাত্মনো যত্পীডয়া ক্রিয়তে তপঃ।পরস্যোত্সাদনার্থং বা তত্তামসমুদাহৃতম্।।17.19।।
17.20
দাতব্যমিতি যদ্দানং দীয়তেঽনুপকারিণে।দেশে কালে চ পাত্রে চ তদ্দানং সাত্ত্বিকং স্মৃতম্।।17.20।।
17.21
যত্তু প্রত্যুপকারার্থং ফলমুদ্দিশ্য বা পুনঃ।দীয়তে চ পরিক্লিষ্টং তদ্দানং রাজসং স্মৃতম্।।17.21।।
17.22
অদেশকালে যদ্দানমপাত্রেভ্যশ্চ দীয়তে।অসত্কৃতমবজ্ঞাতং তত্তামসমুদাহৃতম্।।17.22।।
17.23
তত্সদিতি নির্দেশো ব্রহ্মণস্ত্রিবিধঃ স্মৃতঃ।ব্রাহ্মণাস্তেন বেদাশ্চ যজ্ঞাশ্চ বিহিতাঃ পুরা।।17.23।।
17.24
তস্মাদোমিত্যুদাহৃত্য যজ্ঞদানতপঃক্রিয়াঃ।প্রবর্তন্তে বিধানোক্তাঃ সততং ব্রহ্মবাদিনাম্।।17.24।।
17.25
তদিত্যনভিসন্ধায় ফলং যজ্ঞতপঃক্রিয়াঃ।
দানক্রিয়াশ্চ বিবিধাঃ ক্রিয়ন্তে মোক্ষকাঙ্ক্ষিভিঃ।।17.25।।
17.26
সদ্ভাবে সাধুভাবে চ সদিত্যেতত্প্রয়ুজ্যতে।প্রশস্তে কর্মণি তথা সচ্ছব্দঃ পার্থ যুজ্যতে।।17.26।।
17.27
যজ্ঞে তপসি দানে চ স্থিতিঃ সদিতি চোচ্যতে।কর্ম চৈব তদর্থীয়ং সদিত্যেবাভিধীয়তে।।17.27।।
17.28
অশ্রদ্ধয়া হুতং দত্তং তপস্তপ্তং কৃতং চ যৎ।অসদিত্যুচ্যতে পার্থ ন চ তত্প্রেত্য নো ইহ।।17.28।।