Utshovঅধ্যায় 13
13.1
অর্জুন উবাচ
প্রকৃতিং পুরুষং চৈব ক্ষেত্রং ক্ষেত্রজ্ঞমেব চ।
এতদ্বেদিতুমিচ্ছামি জ্ঞানং জ্ঞেয়ং চ কেশব।।13.1।।
13.2
শ্রী ভগবানুবাচইদং শরীরং কৌন্তেয় ক্ষেত্রমিত্যভিধীয়তে।এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ।।13.2।।
13.3
ক্ষেত্রজ্ঞং চাপি মাং বিদ্ধি সর্বক্ষেত্রেষু ভারত।
ক্ষেত্রক্ষেত্রজ্ঞয়োর্জ্ঞানং যত্তজ্জ্ঞানং মতং মম।।13.3।।
13.4
তত্ক্ষেত্রং যচ্চ যাদৃক্ চ যদ্বিকারি যতশ্চ যৎ।স চ যো যত্প্রভাবশ্চ তত্সমাসেন মে শ্রৃণু।।13.4।।
13.5
ঋষিভির্বহুধা গীতং ছন্দোভির্বিবিধৈঃ পৃথক্।ব্রহ্মসূত্রপদৈশ্চৈব হেতুমদ্ভির্বিনিশ্িচতৈঃ।।13.5।।
13.6
মহাভূতান্যহঙ্কারো বুদ্ধিরব্যক্তমেব চ।ইন্দ্রিয়াণি দশৈকং চ পঞ্চ চেন্দ্রিয়গোচরাঃ।।13.6।।
13.7
ইচ্ছা দ্বেষঃ সুখং দুঃখং সঙ্ঘাতশ্চেতনাধৃতিঃ।এতত্ক্ষেত্রং সমাসেন সবিকারমুদাহৃতম্।।13.7।।
13.8
অমানিত্বমদম্ভিত্বমহিংসা ক্ষান্তিরার্জবম্।আচার্যোপাসনং শৌচং স্থৈর্যমাত্মবিনিগ্রহঃ।।13.8।।
13.9
ইন্দ্রিয়ার্থেষু বৈরাগ্যমনহঙ্কার এব চ।জন্মমৃত্যুজরাব্যাধিদুঃখদোষানুদর্শনম্।।13.9।।
13.10
অসক্িতরনভিষ্বঙ্গঃ পুত্রদারগৃহাদিষু।নিত্যং চ সমচিত্তত্বমিষ্টানিষ্টোপপত্তিষু।।13.10।।
13.11
ময়ি চানন্যয়োগেন ভক্িতরব্যভিচারিণী।বিবিক্তদেশসেবিত্বমরতির্জনসংসদি।।13.11।।
13.12
অধ্যাত্মজ্ঞাননিত্যত্বং তত্ত্বজ্ঞানার্থদর্শনম্।এতজ্জ্ঞানমিতি প্রোক্তমজ্ঞানং যদতোন্যথা।।13.12।।
13.13
জ্ঞেয়ং যত্তত্প্রবক্ষ্যামি যজ্জ্ঞাত্বাঽমৃতমশ্নুতে।
অনাদিমত্পরং ব্রহ্ম ন সত্তন্নাসদুচ্যতে।।13.13।।
13.14
সর্বতঃ পাণিপাদং তত্সর্বতোঽক্ষিশিরোমুখম্।সর্বতঃ শ্রুতিমল্লোকে সর্বমাবৃত্য তিষ্ঠতি।।13.14।।
13.15
সর্বেন্দ্রিয়গুণাভাসং সর্বেন্দ্রিয়বিবর্জিতম্।অসক্তং সর্বভৃচ্চৈব নির্গুণং গুণভোক্তৃ চ।।13.15।।
13.16
বহিরন্তশ্চ ভূতানামচরং চরমেব চ।সূক্ষ্মত্বাত্তদবিজ্ঞেয়ং দূরস্থং চান্তিকে চ তৎ।।13.16।।
13.17
অবিভক্তং চ ভূতেষু বিভক্তমিব চ স্থিতম্।ভূতভর্তৃ চ তজ্জ্ঞেয়ং গ্রসিষ্ণু প্রভবিষ্ণু চ।।13.17।।
13.18
জ্যোতিষামপি তজ্জ্যোতিস্তমসঃ পরমুচ্যতে।জ্ঞানং জ্ঞেয়ং জ্ঞানগম্যং হৃদি সর্বস্য বিষ্ঠিতম্।।13.18।।
13.19
ইতি ক্ষেত্রং তথা জ্ঞানং জ্ঞেয়ং চোক্তং সমাসতঃ।মদ্ভক্ত এতদ্বিজ্ঞায় মদ্ভাবায়োপপদ্যতে।।13.19।।
13.20
প্রকৃতিং পুরুষং চৈব বিদ্ধ্যনাদী উভাবপি।বিকারাংশ্চ গুণাংশ্চৈব বিদ্ধি প্রকৃতিসংভবান্।।13.20।।
13.21
কার্যকারণকর্তৃত্বে হেতুঃ প্রকৃতিরুচ্যতে।পুরুষঃ সুখদুঃখানাং ভোক্তৃত্বে হেতুরুচ্যতে।।13.21।।
13.22
পুরুষঃ প্রকৃতিস্থো হি ভুঙ্ক্তে প্রকৃতিজান্গুণান্।কারণং গুণসঙ্গোঽস্য সদসদ্যোনিজন্মসু।।13.22।।
13.23
উপদ্রষ্টাঽনুমন্তা চ ভর্তা ভোক্তা মহেশ্বরঃ।
পরমাত্মেতি চাপ্যুক্তো দেহেঽস্মিন্পুরুষঃ পরঃ।।13.23।।
13.24
য এবং বেত্তি পুরুষং প্রকৃতিং চ গুণৈঃ সহ।
সর্বথা বর্তমানোঽপি ন স ভূয়োঽভিজায়তে।।13.24।।
13.25
ধ্যানেনাত্মনি পশ্যন্তি কেচিদাত্মানমাত্মনা।অন্যে সাংখ্যেন যোগেন কর্ময়োগেন চাপরে।।13.25।।
13.26
অন্যে ত্বেবমজানন্তঃ শ্রুত্বাঽন্যেভ্য উপাসতে।তেঽপি চাতিতরন্ত্যেব মৃত্যুং শ্রুতিপরায়ণাঃ।।13.26।।
13.27
যাবত্সঞ্জায়তে কিঞ্চিত্সত্ত্বং স্থাবরজঙ্গমম্।ক্ষেত্রক্ষেত্রজ্ঞসংয়োগাত্তদ্বিদ্ধি ভরতর্ষভ।।13.27।।
13.28
সমং সর্বেষু ভূতেষু তিষ্ঠন্তং পরমেশ্বরম্।বিনশ্যত্স্ববিনশ্যন্তং যঃ পশ্যতি স পশ্যতি।।13.28।।
13.29
সমং পশ্যন্হি সর্বত্র সমবস্থিতমীশ্বরম্।ন হিনস্ত্যাত্মনাঽঽত্মানং ততো যাতি পরাং গতিম্।।13.29।।
13.30
প্রকৃত্যৈব চ কর্মাণি ক্রিয়মাণানি সর্বশঃ।যঃ পশ্যতি তথাঽঽত্মানমকর্তারং স পশ্যতি।।13.30।।
13.31
যদা ভূতপৃথগ্ভাবমেকস্থমনুপশ্যতি।তত এব চ বিস্তারং ব্রহ্ম সম্পদ্যতে তদা।।13.31।।
13.32
অনাদিত্বান্নির্গুণত্বাত্পরমাত্মায়মব্যয়ঃ।শরীরস্থোঽপি কৌন্তেয় ন করোতি ন লিপ্যতে।।13.32।।
13.33
যথা সর্বগতং সৌক্ষ্ম্যাদাকাশং নোপলিপ্যতে।
সর্বত্রাবস্থিতো দেহে তথাঽঽত্মা নোপলিপ্যতে।।13.33।।
13.34
যথা প্রকাশয়ত্যেকঃ কৃত্স্নং লোকমিমং রবিঃ।
ক্ষেত্রং ক্ষেত্রী তথা কৃত্স্নং প্রকাশয়তি ভারত।।13.34।।
13.35
ক্ষেত্রক্ষেত্রজ্ঞয়োরেবমন্তরং জ্ঞানচক্ষুষা।
ভূতপ্রকৃতিমোক্ষং চ যে বিদুর্যান্তি তে পরম্।।13.35।।