সূক্ত 3

3.1

শালা। ১-৩১ ভৃগ্বঙ্গিরাঃ। শালা। অনুষ্টুপ্, ৬ পথ্যাপঙ্ক্তিঃ, ৭ পরোষ্ণিক্, ১৫ ত্র্যবসানা পঞ্চপদাতিশক্বরী, ১৭ প্রস্তারপঙ্ক্তিঃ, ২১ আস্তারপঙ্ক্তিঃ ২৫-৩১ ত্রিপদা প্রাজাপত্যা বৃহতী, ২৬ সাম্নী ত্রিষ্টুপ্, ২৭-৩০ প্রতিষ্ঠানাম গায়ত্রী, (২৫-৩১) একাবসানা ত্রিপদা।

উপমিতাং প্রতিমিতামথো পরিমিতামুত।
শালায়া বিশ্ববারায়া নদ্ধানি বি চৃতামসি ॥১॥

3.2

যৎ তে নদ্ধং বিশ্ববারে পাশো গ্রন্থিশ্চ যঃ কৃতঃ ।
বৃহস্পতিরিবাহং বলং বাচা বি স্রংসয়ামি তৎ ॥২॥

3.3

আ যয়াম সং ববর্হ গ্রন্থীংশ্চকার তে দৃঢান্।
পরূংষি বিদ্বাংছস্তেবেন্দ্রেণ বি চৃতামসি ॥৩॥

3.4

বংশানাং তে নহনানাং প্রাণাহস্য তৃণস্য চ ।
পক্ষাণাং বিশ্ববারে তে নদ্ধানি বি চৃতামসি ॥৪॥

3.5

সংদংশানাং পলদানাং পরিষ্বঞ্জল্যস্য চ ।
ইদং মানস্য পত্ন্যা নদ্ধানি বি চৃতামসি ॥৫॥

3.6

যানি তেঽন্তঃ শিক্যাঽন্যাবেধূ রণ্যাঽয় কম্।
প্র তে তানি চৃতামসি শিবা মানস্য পত্নি ন উদ্ধিতা তন্বেঽ ভব ॥৬॥

3.7

হবির্ধানমগ্নিশালং পত্নীনাং সদনং সদঃ ।
সদো দেবানামসি দেবি শালে ॥৭॥

3.8

অক্ষুমোপশং বিততং সহস্রাক্ষং বিষূবতি ।
অবনদ্ধমভিহিতং ব্রহ্মণা বি চৃতামসি ॥৮॥

3.9

যস্ত্বা শালে প্রতিগৃহ্ণাতি যেন চাসি মিতা ত্বম্।
উভৌ মানস্য পত্নি তৌ জীবতাং জরদষ্টী ॥৯॥

3.10

অমুত্রৈনমা গচ্ছতাদ্ দৃঢা নদ্ধা পরিষ্কৃতা ।
যস্যাস্তে বিচৃতামস্যঙ্গমঙ্গং পরুষ্পরুঃ ॥১০॥

3.11

যস্ত্বা শালে নিমিমায় সংজভার বনস্পতীন্।
প্রজায়ৈ চক্রে ত্বা শালে পরমেষ্ঠী প্রজাপতিঃ ॥১১॥

3.12

নমস্তস্মৈ নমো দাত্রে শালাপতয়ে চ কৃণ্মঃ ।
নমোঽগ্নয়ে প্রচরতে পুরুষায় চ তে নমঃ ॥১২॥

3.13

গোভ্যো অশ্বেভ্যো নমো যচ্ছালায়াং বিজায়তে ।
বিজাবতি প্রজাবতি বি তে পাশাংশ্চৃতামসি ॥১৩॥

3.14

অগ্নিমন্তশ্ছাদয়সি পুরুষান্ পশুভিঃ সহ।
বিজাবতি প্রজাবতি বি তে পাশাংশ্চৃতামসি ॥১৪॥

3.15

অন্তরা দ্যাং চ পৃথিবীং চ যদ্ ব্যচস্তেন শালাং প্রতি গৃহ্ণামি ত ইমাম্।
যদন্তরিক্ষং রজসো বিমানং তৎ কৃণ্বেঽহমুদরং শেবধিভ্যঃ ।
তেন শালাং প্রতি গৃহ্ণামি তস্মৈ ॥১৫॥

3.16

ঊর্জস্বতী পয়স্বতী পৃথিব্যাং নিমিতা মিতা।
বিশ্বান্নং বিভ্রতী শালে মা হিংসীঃ প্রতিগৃহ্ণতঃ ॥১৬॥

3.17

তৃণৈরাবৃতা পলদান্ বসানা রাত্রীব শালা জগতো নিবেশনী ।
মিতা পৃথিব্যাং তিষ্ঠসি হস্তিনীব পদ্বতী ॥১৭॥

3.18

ইটস্য তে বি চৃতাম্যপিনদ্ধমপোর্ণুবন্।
বরুণেন সমুব্জিতাং মিত্রঃ প্রাতর্ব্যুঽব্জতু ॥১৮॥

3.19

ব্রহ্মণা শালাং নিমিতাং কবিভির্নিমিতাং মিতাম্।
ইন্দ্রাগ্নী রক্ষতাং শালামমৃতৌ সোম্যং সদঃ ॥১৯॥

3.20

কুলায়েঽধি কুলায়ং কোশে কোশঃ সমুব্জিতঃ ।
তত্র মর্তো বি জায়তে যস্মাদ্ বিশ্বং প্রজায়তে ॥২০॥

3.21

যা দ্বিপক্ষা চতুষ্পক্ষা ষট্ পক্ষা যা নিমীয়তে ।
অষ্টাপক্ষাং দশপক্ষাং শালাং মানস্য পত্নীমগ্নির্গর্ভ ইবা শয়ে ॥২১॥

3.22

প্রতীচীং ত্বা প্রতীচীনঃ শালে প্রৈম্যহিংসতীম্।
অগ্নির্হ্য১ন্তরাপশ্চর্তস্য প্রথমা দ্বাঃ ॥২২॥

3.23

ইমা আপঃ প্র ভরাম্যয়ক্ষ্মা যক্ষ্মনাশনীঃ ।
গৃহানুপ প্র সীদাম্যমৃতেন সহাগ্নিনা ॥২৩॥

3.24

মা নঃ পাশং প্রতি মুচো গুরুর্ভারো লঘুর্ভব ।
বধূমিব ত্বা শালে যত্রকামং ভরামসি ॥২৪॥

3.25

প্রাচ্যা দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥২৫॥

3.26

দক্ষিণায়া দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥২৬॥

3.27

প্রতীচ্যা দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥২৭॥

3.28

উদীচ্যা দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥২৮॥

3.29

ধ্রুবায়া দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥২৯॥

3.30

ঊর্ধ্বায়া দিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥৩০॥

3.31

দিশোদিশঃ শালায়া নমো মহিম্নে স্বাহা দেবেভ্যঃ স্বাহ্যেঽভ্যঃ ॥৩১॥