সূক্ত 2

2.1

কামঃ ১-২৫ অথর্বা। কামঃ। ত্রিষ্টুপ্, ৫ অতিজগতী, ৭, ১৪-১৫, ১৭-১৮, ২১-২২ জগতী, ৮ দ্বিপদা আর্ষী পঙ্ক্তিঃ ১১, ২০, ২৩ ভুরিক্, ১২ অনুষ্টুপ্, ১৩ দ্বিপদার্চী অনুষ্টুপ্, ১৬ চতুষ্পদা শক্বরীগর্ভা পরা জগতী।

সপত্নহনমৃষভং ঘৃতেন কামং শিক্ষামি হবিষাজ্যেন ।
নীচৈঃ সপত্নান্ মম পাদয় ত্বমভিষ্টুতো মহতা বীর্যেঽণ ॥১॥

2.2

যন্মে মনসো ন প্রিয়ং চক্ষুষো যন্মে বভস্তি নাভিনন্দতি ।
তদ্ দুষ্বপ্ন্যং প্রতি মুঞ্চামি সপত্নে কামং স্তুত্বোদহং ভিদেয়ম্ ॥২॥

2.3

দুষ্বপ্ন্যং কাম দুরিতং চ কামাপ্রজস্তামস্বগতামবর্তিম্।
উগ্র ঈশানঃ প্রতি মুঞ্চ তস্মিন্ যো অস্মভ্যমংহূরণা চিকিত্সাৎ ॥৩॥

2.4

নুদস্ব কাম প্র ণুদস্ব কামাবর্তিং যন্তু মম যে সপত্নাঃ ।
তেষাং নুত্তানামধমা তমাংস্যগ্নে বাস্তূনি নির্দহ ত্বম্ ॥৪॥

2.5

সা তে কাম দুহিতা ধেনুরুচ্যতে যামাহুর্বাচং কবয়ো বিরাজম্।
তয়া সপত্নান্ পরি বৃঙ্গ্ধি যে মম পর্যেনান্ প্রাণঃ পশবো জীবনং বৃণক্তু ॥৫॥

2.6

কামস্যেন্দ্রস্য বরুণস্য রাজ্ঞো বিষ্ণোর্বলেন সবিতুঃ সবেন ।
অগ্নের্হোত্রেণ প্র ণুদে সপত্নাংছম্বীব নাবমুদকেষু ধীরঃ ॥৬॥

2.7

অধ্যক্ষো বাজী মম কাম উগ্রঃ কৃণোতু মহ্যমসপত্নমেব।
বিশ্বে দেবা মম নাথং ভবন্তু সর্বে দেবা হবমা যন্তু ম ইমম্ ॥৭॥

2.8

ইদমাজ্যং ঘৃতবজ্জুষাণাঃ কামজ্যেষ্ঠা ইহ মাদয়ধ্বম্।
কৃণ্বন্তো মহ্যমসপত্নমেব ॥৮॥

2.9

ইন্দ্রাগ্নী কাম সরথং হি ভূত্বা নীচৈঃ সপত্নান্ মম পাদয়াথঃ ।
তেষাং পন্নানামধমা তমাংস্যগ্নে বাস্তূন্যনুনির্দহ ত্বম্ ॥৯॥

2.10

জহি ত্বং কাম মম যে সপত্না অন্ধা তমাংস্যব পাদয়ৈনান্।
নিরিন্দ্রিয়া অরসাঃ সন্তু সর্বে মা তে জীবিষুঃ কতমচ্চনাহঃ ॥১০॥

2.11

অবধীৎ কামো মম যে সপত্না উরুং লোকমকরন্মহ্যমেধতুম্।
মহ্যং নমন্তাং প্রদিশশ্চতস্রো মহ্যং ষডুর্বীর্ঘৃতমা বহন্তু ॥১১॥

2.12

তেঽধরাঞ্চঃ প্র প্লবন্তাং ছিন্না নৌরিব বন্ধনাৎ।
ন সায়কপ্রণুত্তানাং পুনরস্তি নিবর্তনম্ ॥১২॥

2.13

অগ্নির্যব ইন্দ্রো যবঃ সোমো যবঃ ।
যবয়াবানো দেবা যাবয়ন্ত্বেনম্ ॥১৩॥

2.14

অসর্ববীরশ্চরতু প্রণুত্তো দ্বেষ্যো মিত্রাণাং পরিবর্গ্যঃ১ স্বানাম্।
উত পৃথিব্যামব স্যন্তি বিদ্যুত উগ্রো বো দেবঃ প্র মৃণৎ সপত্নান্ ॥১৪॥

2.15

চ্যুতা চেয়ং বৃহত্যচ্যুতা চ বিদ্যুদ্ বিভর্তি স্তনয়িত্নূংশ্চ সর্বান্।
উদ্যন্নাদিত্যো দ্রবিণেন তেজসা নীচৈঃ সপত্নান্ নুদতাং মে সহস্বান্ ॥১৫॥

2.16

যৎ তে কাম শর্ম ত্রিবরূথমুদ্ভু ব্রহ্ম বর্ম বিততমনতিব্যাধ্যংঽ কৃতম্।
তেন সপত্নান্ পরি বৃঙ্গ্ধি যে মম পর্যেনান্ প্রাণঃ পশবো জীবনং বৃণক্তু ॥১৬॥

2.17

যেন দেবা অসুরান্ প্রাণুদন্ত যেনেন্দ্রো দস্যূনধমং তমো নিনায় ।
তেন ত্বং কাম মম যে সপত্নাস্তানস্মাল্লোকাৎ প্র ণুদস্ব দূরম্ ॥১৭॥

2.18

যথা দেবা অসুরান্ প্রাণুদন্ত যথেন্দ্রো দস্যূনধমং তমো ববাধে।
তথা ত্বং কাম মম যে সপত্নাস্তানস্মাল্লোকাৎ ণুদস্ব দূরম্ ॥১৮॥

2.19

কামো জজ্ঞে প্রথমো নৈনং দেবা আপুঃ পিতরো ন মর্ত্যাঃ ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥১৯॥

2.20

যাবতী দ্যাবাপৃথিবী বরিম্ণা যাবদাপঃ সিষ্যদুর্যাবদগ্নিঃ ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥২০॥

2.21

যাবতীর্দিশঃ প্রদিশো বিষূচীর্যাবতীরাশা অভিচক্ষণা দিবঃ ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥২১॥

2.22

যাবতীর্ভৃঙ্গা জত্বঃঽ কুরূরবো যাবতীর্বঘা বৃক্ষসর্প্যোঽ বভূবুঃ ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥২২॥

2.23

জ্যায়ান্ নিমিষতোঽসি তিষ্ঠতো জ্যায়ান্ত্সমুদ্রাদসি কাম মন্যো ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥২৩॥

2.24

ন বৈ বাতশ্চন কামমাপ্নোতি নাগ্নিঃ সূর্যো নোত চন্দ্রমাঃ ।
ততস্ত্বমসি জ্যায়ান্ বিশ্বহা মহাংস্তস্মৈ তে কাম নম ইৎ কৃণোমি ॥২৪॥

2.25

যাস্তে শিবাস্তন্বঃঽ কাম ভদ্রা যাভিঃ সত্যং ভবতি যদ্ বৃণীষে।
তাভিষ্ট্বমস্মাঁ অভিসংবিশস্বান্যত্র পাপীরপ বেশয়া ধিয়ঃ ॥২৫॥