সূক্ত 1

1.1

মধুবিদ্যা। ১-২৪ অথর্বা। মধু, অশ্বিনৌ। ত্রিষ্টুপ্, ২ ত্রিষ্টুব্গর্ভা পঙ্ক্তিঃ, ৩ পরানুষ্টুপ্, ৬ যবমধ্যা অতিশক্বরীগর্ভা মহাবৃহতী, ৭ যবমধ্যা অতিজাগতর্ভা মহাবৃহতী, ৮ বৃহতীগর্ভা সংস্তারপঙ্ক্তিঃ, ৯ পরাবৃহতী প্রস্তারপঙ্ক্তিঃ, ১০ পরোষ্ণিক্পঙ্ক্তিঃ, ১১-১৩, ১৫-১৬, ১৮-১৯ অনুষ্টুপ্, ১৪ পুর উষ্ণিক্, ১৭ উপরিষ্টাদ্বিরাড্ বৃহতী, ২০ ভুরিগ্বিষ্টারপঙ্ক্তিঃ, ২১ একাবসানা দ্বিপদার্চ্যনুষ্টুপ্, ২২ ত্রিপদা ব্রাহ্মী পুর উষ্ণিক্, ২৩ দ্বিপদা আর্চী পঙ্ক্তিঃ, ২৪ ত্র্যবসানা ষট্ পদাষ্টিঃ।

দিবস্পৃথিব্যা অন্তরিক্ষাৎ সমুদ্রাদগ্নের্বাতান্মধুকশা হি জজ্ঞে।
তাং চায়িত্বামৃতং বসানাং হৃদ্ভিঃ প্রজাঃ প্রতি নন্দন্তি সর্বাঃ ॥১॥

1.2

মহৎ পয়ো বিশ্বরূপমস্যাঃ সমুদ্রস্য ত্বোত রেত আহুঃ ।
যত ঐতি মধুকশা ররাণা তৎ প্রাণস্তদমৃতং নিবিষ্টম্ ॥২॥

1.3

পশ্যন্ত্যস্যাশ্চরিতং পৃথিব্যাং পৃথঙ্ নরো বহুধা মীমাংসমানাঃ ।
অগ্নের্বাতান্মধুকশা হি জজ্ঞে মরুতামুগ্রা নপ্তিঃ ॥৩॥

1.4

মাতাদিত্যানাং দুহিতা বসূনাং প্রাণঃ প্রজানামমৃতস্য নাভিঃ ।
হিরণ্যবর্ণা মধুকশা ঘৃতাচী মহান্ গর্ভশ্চরতি মর্ত্যেষু ॥৪॥

1.5

মধোঃ কশামজনয়ন্ত দেবাস্তস্যা গর্ভো অভবদ্ বিশ্বরূপঃ ।
তং জাতং তরুণং পিপর্তি মাতা স জাতো বিশ্বা ভুবনা বি চষ্টে ॥৫॥

1.6

কস্তং প্র বেদ ক উ তং চিকেত যো অস্যা হৃদঃ কলশঃ সোমধানো অক্ষিতঃ ।
ব্রহ্মা সুমেধাঃ সো অস্মিন্ মদেত ॥৬॥

1.7

স তৌ প্র বেদ স উ তৌ চিকেত যাবস্যাঃ স্তনৌ সহস্রধারাবক্ষিতৌ ।
ঊর্জং দুহাতে অনপস্ফুরন্তৌ ॥৭॥

1.8

হিঙ্করিক্রতী বৃহতী বয়োধা উচ্চৈর্ঘোষাভ্যেতি যা ব্রতম্।
ত্রীন্ ঘর্মানভি বাবশানা মিমাতি মায়ুং পয়তে পয়োভিঃ ॥৮॥

1.9

যামাপীনামুপসীদন্ত্যাপঃ শাক্বরা বৃষভা যে স্বরাজঃ ।
তে বর্ষন্তি তে বর্ষয়ন্তি তদ্বিদে কামমূর্জমাপঃ ॥৯॥

1.10

স্তনয়িত্নুস্তে বাক্ প্রজাপতে বৃষা শুষ্মং ক্ষিপসি ভূম্যামধি ।
অগ্নের্বাতান্মধুকশা হি জজ্ঞে মরুতামুগ্রা নপ্তিঃ ॥১০॥

1.11

যথা সোমঃ প্রাতঃসবনে অশ্বিনোর্ভবতি প্রিয়ঃ ।
এবা মে অশ্বিনা বর্চ আত্মনি ধ্রিয়তাম্ ॥১১॥

1.12

যথা সোমো দ্বিতীয়ে সবন ইন্দ্রাগ্ন্যোর্ভবতি প্রিয়ঃ ।
এবা ম ইন্দ্রাগ্নী বর্চ আত্মনি ধ্রিয়তাম্ ॥১২॥

1.13

যথা সোমস্তৃতীয়ে সবন ঋভূণাং ভবতি প্রিয়ঃ ।
এবা ম ঋভবো বর্চ আত্মনি ধ্রিয়তাম্ ॥১৩॥

1.14

মধু জনিষীয় মধু বংসিষীয় ।
পয়স্বানগ্ন আগমং তং মা সং সৃজ বর্চসা ॥১৪॥

1.15

সং মাগ্নে বর্চসা সৃজ সং প্রজয়া সমায়ুষা ।
বিদ্যুর্মে অস্য দেবা ইন্দ্রো বিদ্যাৎ সহ ঋষিভিঃ ॥১৫॥

1.16

যথা মধু মধুকৃতঃ সংভরন্তি মধাবধি ।
এবা মে অশ্বিনা বর্চ আত্মনি ধ্রিয়তাম্ ॥১৬॥

1.17

যথা মক্ষাঃ ইদং মধু ন্যঞ্জন্তি মধাবধি ।
এবা মে অশ্বিনা বর্চস্তেজো বলমোজশ্চ ধ্রিয়তাম্ ॥১৭॥

1.18

যদ্ গিরিষু পর্বতেষু গোষ্বশ্বেষু যন্মধু ।
সুরায়াং সিচ্যমানায়াং যৎ তত্র মধু তন্ময়ি ॥১৮॥

1.19

অশ্বিনা সারঘেণ মা মধুনাঙ্ক্তং শুভস্পতী ।
যথা বর্চস্বতীং বাচমাবদানি জনাঁ অনু ॥১৯॥

1.20

স্তনয়িত্নুস্তে বাক্ প্রজাপতে বৃষা শুষ্মং ক্ষিপসি ভূম্যাং দিবি।
তাং পশব উপ জীবন্তি সর্বে তেনো সেষমূর্জং পিপর্তি ॥২০॥

1.21

পৃথিবী দণ্ডো৩ন্তরিক্ষং গর্ভো দ্যৌঃ কশা বিদ্যুৎ প্রকশো হিরণ্যয়ো বিন্দুঃ ॥২১॥

1.22

যো বৈ কশায়াঃ সপ্ত মধূনি বেদ মধুমান্ ভবতি ।
ব্রাহ্মণশ্চ রাজা চ ধেনুশ্চানড্বাংশ্চ ব্রীহিশ্চ যবশ্চ মধু সপ্তমম্ ॥২২॥

1.23

মধুমান্ ভবতি মধুমদস্যাহার্যংঽ ভবতি ।
মধুমতো লোকান্ জয়তি য এবং বেদ ॥২৩॥

1.24

যদ্ বীধ্রে স্তনয়তি প্রজাপতিরেব তৎ প্রজাভ্যঃ প্রাদুর্ভবতি ।
তস্মাৎ প্রাচীনোপবীতস্তিষ্ঠে প্রজাপতেঽনু মা বুধ্যস্বেতি ।
অন্বেনং প্রজা অনু প্রজাপতির্বুধ্যতে য এবং বেদ ॥২৪॥