সূক্ত 7

7.1

ওষধয়ঃ। ১-২৮ অথর্বা। ভৈষজ্যং, আয়ুষ্যং, ওষধয়ঃ। অনুষ্টুপ্, ২ উপরিষ্টাদ্ ভুরিগ্বৃহতী, ৩ পুরউষ্ণিক্, ৪ পঞ্চপদা পরানুষ্টুবতিজগতী, ৫-৬, ১০, ২৫ পথ্যাপঙ্ক্তিঃ ( ৬ বিরাড্ গর্ভা ভুরিক্) ৯ দ্বিপদার্চী ভুরিগনুষ্টুপ্, ১২ পঞ্চপদা বিরাডতিশক্বরী, ১৪ উপরিষ্টান্নিচৃদ্ বৃহতী, ২৬ নিচৃৎ, ২৮ ভুরিক্।

যা বভ্রবো যাশ্চ শুক্রা রোহিণীরুত পৃশ্নয়ঃ ।
অসিক্নীঃ কৃষ্ণা ওষধীঃ সর্বা অচ্ছাবদামসি ॥১॥

7.2

ত্রায়ন্তামিমং পুরুষং যক্ষ্মাদ্ দেবেষিতাদধি ।
যাসাং দ্যৌষ্পিতা পৃথিবী মাতা সমুদ্রো মূলং বীরুধাং বভূব ॥২॥

7.3

আপো অগ্রং দিব্যা ওষধয়ঃ ।
তাস্তে যক্ষ্মমেনস্য১মঙ্গাদঙ্গাদনীনশন্ ॥৩॥

7.4

প্রস্তৃণতী স্তম্বিনীরেকশুঙ্গাঃ প্রতন্বতীরোষধীরা বদামি ।
অংশুমতীঃ কাণ্ডিনীর্যা বিশাখা হ্বয়ামি তে বীরুধো বৈশ্বদেবীরুগ্রাঃ পুরুষজীবনীঃ ॥৪॥

7.5

যদ্ বঃ সহঃ সহমানা বীর্যং১য়চ্চ বো বলম্।
তেনেমমস্মাদ্ যক্ষ্মাৎ পুরুষং মুঞ্চতৌষধীরথো কৃণোমি ভেষজম্ ॥৫॥

7.6

জীবলাং নঘারিষাং জীবন্তীমোষধীমহম্।
অরুন্ধতীমুন্নয়ন্তীং পুষ্পাং মধুমতীমিহ হুবেঽস্মা অরিষ্টতাতয়ে ॥৬॥

7.7

ইহা যন্তু প্রচেতসো মেদিনীর্বচসো মম ।
যথেমং পারয়ামসি পুরুষং দুরিতাদধি ॥৭॥

7.8

অগ্নের্ঘাসো অপাং গর্ভো যা রোহন্তি পুনর্ণবাঃ ।
ধ্রুবাঃ সহস্রনাম্নীর্ভেষজীঃ সন্ত্বাভৃতাঃ ॥৮॥

7.9

অবকোল্বা উদকাত্মান ওষধয়ঃ ।
ব্যৃঽষন্তু দুরিতং তীক্ষ্ণশৃঙ্গ্যঃ ॥৯॥

7.10

উন্মুঞ্চন্তীর্বিবরুণা উগ্রা যা বিষদূষণীঃ ।
অথো বলাসনাশনীঃ কৃত্যাদূষণীশ্চ যাস্তা ইহা যন্ত্বোষধীঃ ॥১০॥

7.11

অপক্রীতাঃ সহীয়সীর্বীরুধো যা অভিষ্টুতাঃ ।
ত্রায়ন্তামস্মিন্ গ্রামে গামশ্বং পুরুষং পশুম্ ॥১১॥

7.12

মধুমন্মূলং মধুমদগ্রমাসাম্মধুমন্মধ্যং বীরুধাং বভূব ।
মধুমৎ পর্ণং মধুমৎ পুষ্পমাসাং মধোঃ সংভক্তা অমৃতস্য ভক্ষো ঘৃতমন্নং দুহ্রতাং গোপুরোগবম্ ॥১২॥

7.13

যাবতীঃ কিয়তীশ্চেমাঃ পৃথিব্যামধ্যোষধীঃ ।
তা মা সহস্রপর্ণ্যোঽ মৃত্যোর্মুঞ্চন্ত্বংহসঃ ॥১৩॥

7.14

বৈয়াঘ্রো মণির্বীরুধাং ত্রায়মানোঽভিশস্তিপাঃ ।
অমীবাঃ সর্বা রক্ষাংস্যপ হন্ত্বধি দূরমস্মৎ ॥১৪॥

7.15

সিংহস্যেব স্তনথোঃ সং বিজন্তেঽগ্নেরিব বিজন্ত আভৃতাভ্যঃ ।
গবাং যক্ষ্মঃ পুরুষাণাং বীরুদ্ভিরতিনুত্তো নাব্যাঽএতু স্রোত্যাঃ ॥১৫॥

7.16

মুমুচানা ওষধয়োঽগ্নের্বৈশ্বানরাদধি ।
ভূমিং সংতন্বতীরিত যাসাং রাজা বনস্পতিঃ ॥১৬॥

7.17

যা রোহন্ত্যাঙ্গিরসীঃ পর্বতেষু সমেষু চ ।
তা নঃ পয়স্বতীঃ শিবা ওষধীঃ সন্তু শং হৃদে ॥১৭॥

7.18

যাশ্চাহং বেদ বীরুধো যাশ্চ পশ্যামি চক্ষুষা ।
অজ্ঞাতা জানীমশ্চ যা যাসু বিদ্ম চ সংভৃতম্ ॥১৮॥

7.19

সর্বাঃ সমগ্রা ওষধীর্বোধন্তু বচসো মম ।
যথেমং পারয়ামসি পুরুষং দুরিতাদধি ॥১৯॥

7.20

অশ্বত্থো দর্ভো বীরুধাং সোমো রাজামৃতং হবিঃ ।
ব্রীহির্যবশ্চ ভেষজৌ দিবস্পুত্রাবমর্ত্যৌ ॥২০॥

7.21

উজ্জিহীধ্বে স্তনয়ত্যভিক্রন্দত্যোষধীঃ ।
যদা বঃ পৃশ্নিমাতরঃ পর্জন্যো রেতসাবতি ॥২১॥

7.22

তস্যামৃতস্যেমং বলং পুরুষং পায়য়ামসি ।
অথো কৃণোমি ভেষজং যথা সচ্ছতহায়নঃ ॥২২॥

7.23

বরাহো বেদ বীরুধং নকুলো বেদ ভেষজীম্।
সর্পা গন্ধর্বা যা বিদুস্তা অস্মা অবসে হুবে ॥২৩॥

7.24

যাঃ সুপর্ণা আঙ্গিরসীর্দিব্যা যা রঘতো বিদুঃ ।
বয়াংসি হংসা যা বিদুর্যাশ্চ সর্বে পতত্রিণঃ ।
মৃগা যা বিদুরোষধীস্তা অস্মা অবসে হুবে ॥২৪॥

7.25

যাবতীনামোষধীনাং গাবঃ প্রাশ্নন্ত্যঘ্ন্যা যাবতীনামজাবয়ঃ ।
তাবতীস্তুভ্যমোষধীঃ শর্ম যচ্ছন্ত্বাভৃতাঃ ॥২৫॥

7.26

যাবতীষু মনুষ্যাঽ ভেষজং ভিষজো বিদুঃ ।
তাবতীর্বিশ্বভেষজীরা ভরামি ত্বামভি ॥২৬॥

7.27

পুষ্পবতীঃ প্রসূমতীঃ ফলিনীরফলা উত।
সংমাতর ইব দুহ্রামস্মা অরিষ্টতাতয়ে ॥২৭॥

7.28

উৎ ত্বাহার্ষং পঞ্চশলাদথো দশশলাদুত।
অথো যমস্য পড্বীশাদ্ বিশ্বস্মাদ্ দেবকিল্বিষাৎ ॥২৮॥