সূক্ত 6

6.1

অদিতিঃ ১-৪ অথর্বা (ব্রহ্মবর্চসকামঃ) । অদিতিঃ। ত্রিষ্টুপ্, ২ ভুরিক্, ৩-৪ বিরাড্ জগতী।

অদিতির্দ্যৌরদিতিরন্তরিক্ষমদিতির্মাতা স পিতা স পুত্রঃ ।
বিশ্বে দেবা অদিতিঃ পঞ্চ জনা অদিতির্জাতমদিতির্জনিত্বম্ ॥১॥

6.2

মহীমূ ষু মাতরং সুব্রতানামৃতস্য পত্নীমবসে হবামহে ।
তুবিক্ষত্রামজরন্তীমুরূচীং সুশর্মাণমদিতিং সুপ্রণীতিম্ ॥২॥

6.3

সুত্রামাণং পৃথিবীং দ্যামনেহসং সুশর্মাণমদিতিং সুপ্রণীতিম্।
দৈবীং নাবং স্বরিত্রামনাগসো অস্রবন্তীমা রুহেমা স্বস্তয়ে ॥৩॥

6.4

বাজস্য নু প্রসবে মাতরং মহীমদিতিং নাম বচসা করামহে ।
যস্যা উপস্থ উর্ব১ন্তরিক্ষং সা নঃ শর্ম ত্রিবরূথং নি যচ্ছাৎ ॥৪॥