সূক্ত 5

5.1

আত্মা। ১-৫ অথর্বা (ব্রহ্মবর্চসকামঃ) । আত্মা। ত্রিষ্টুপ্, ৩ পঙ্ক্তিঃ ৪ অনষ্টুপ্।

যজ্ঞেন যজ্ঞময়জন্ত দেবাস্তানি ধর্মাণি প্রথমান্যাসন্।
তে হ নাকং মহিমানঃ সচন্ত যত্র পূর্বে সাধ্যাঃ সন্তি দেবাঃ ॥১॥

যজ্ঞো বভূব স আ বভূব স প্র জজ্ঞে স উ বাবৃধে পুনঃ ।
স দেবানামধিপতির্বভূব সো অস্মাসু দ্রবিণমা দধাতু ॥২॥

যদ্ দেবা দেবান্ হবিষায়জন্তামর্ত্যান্ মনসামর্ত্যেন ।
মদেম তত্র পরমে ব্যোঽমন্ পশ্যেম তদুদিতৌ সূর্যস্য ॥৩॥

যৎ পুরুষেণ হবিষা যজ্ঞং দেবা অতন্বত ।
অস্তি নু তস্মাদোজীয়ো যদ্ বিহব্যেনেজিরে ॥৪॥

মুগ্ধা দেবা উত শুনায়জন্তোত গোরঙ্গৈঃ পুরুধায়জন্ত ।
য ইমং যজ্ঞং মনসা চিকেত প্র ণো বোচস্তমিহেহ ব্রবঃ ॥৫॥