Sukta 6

6.1

Aditih 1-4 atharva (brahmavarchasakamah), aditih, trishtup, 2 bhurik, 3-4 virad jagati

अदि॑ति॒र्द्यौरदि॑तिर॒न्तरि॑क्ष॒मदि॑तिर्मा॒ता स पि॒ता स पु॒त्रः ।
विश्वे॑ दे॒वा अदि॑तिः॒ पञ्च॒ जना॒ अदि॑तिर्जा॒तमदि॑ति॒र्जनि॑त्वम् ॥१॥

Aditirdyauraditirantarikshamaditirmata sa pita sa putrah
Vishve deva aditih pancha jana aditirjatamaditirjanitvam

म॒हीमू॒ षु मा॒तरं॑ सुव्र॒ताना॑मृ॒तस्य॒ पत्नी॒मव॑से हवामहे ।
तु॒वि॒क्ष॒त्राम॒जर॑न्तीमुरू॒चीं सु॒शर्मा॑ण॒मदि॑तिं सु॒प्रणी॑तिम् ॥२॥

Mahimu shu mataram suvratanamritasya patnimavase havamahe
Tuvikshatramajarantimuruchim susharmanamaditim supranitim

सु॒त्रामा॑णं पृथि॒वीं द्याम॑ने॒हसं॑ सु॒शर्मा॑ण॒मदि॑तिं सु॒प्रणी॑तिम्।
दैवीं॒ नावं॑ स्वरि॒त्रामना॑गसो॒ अस्र॑वन्ती॒मा रु॑हेमा स्व॒स्तये॑ ॥३॥

Sutramanam prithivim dyamanehasam susharmanamaditim supranitim
Daivim navam svaritramanagaso asravantima ruhema svastaye

वाज॑स्य॒ नु प्र॑स॒वे मा॒तरं॑ म॒हीमदि॑तिं॒ नाम॒ वच॑सा करामहे ।
यस्या॑ उ॒पस्थ॑ उ॒र्व॑१न्तरि॑क्षं॒ सा नः॒ शर्म॑ त्रि॒वरू॑थं॒ नि य॑च्छात् ॥४॥

Vajasya nu prasave mataram mahimaditim nama vachasa karamahe
Yasya upastha urva1ntariksham sa nah sharma trivarutham ni yachchhat