সূক্ত 127

127.1

যক্ষ্মনাশনম্। ১-৩ ভৃগ্বঙ্গিরাঃ। যক্ষ্মনাশনম্, বনস্পতিঃ। অনুষ্টুপ্, ৩ ত্র্যবসানা ষট্-পদা জগতী।

বিদ্রধস্য বলাসস্য লোহিতস্য বনস্পতে ।
বিসল্পকস্যোষধে মোচ্ছিষঃ পিশিতং চন ॥১॥

127.2

যৌ তে বলাস তিষ্ঠতঃ কক্ষে মুষ্কাবপশ্রিতৌ ।
বেদাহং তস্য ভেষজং চীপুদ্রুরভিচক্ষণম্ ॥২॥

127.3

যো অঙ্গ্যো যঃ কর্ণ্যো যো অক্ষ্যোর্বিসল্পকঃ ।
বি বৃহামো বিসল্পকং বিদ্রধং হৃদয়াময়ম্।
পরা তমজ্ঞাতং যক্ষ্মমধরাঞ্চং সুবামসি ॥৩॥