সূক্ত 128

128.1

রাজা ১-৪ অঙ্গিরাঃ। সোমঃ, শকধূমঃ। অনুষ্টুপ্।

শকধূমং নক্ষত্রাণি যদ্ রাজানমকুর্বত ।
ভদ্রাহমস্মৈ প্রায়চ্ছন্নিদং রাষ্ট্রমসাদিতি ॥১॥

128.2

ভদ্রাহং নো মধ্যংদিনে ভদ্রাহং সায়মস্তু নঃ ।
ভদ্রাহং নো অহ্নাং প্রাতা রাত্রী ভদ্রাহমস্তু নঃ ॥২॥

128.3

অহোরাত্রাভ্যাং নক্ষত্রেভ্যঃ সূর্যাচন্দ্রমসাভ্যাম্।
ভদ্রাহমস্মভ্যং রাজন্ছকধূম ত্বং কৃধি ॥৩॥

128.4

যো নো ভদ্রাহমকরঃ সায়ং নক্তমথো দিবা ।
তস্মৈ তে নক্ষত্ররাজ শকধূম সদা নমঃ ॥৪॥