সূক্ত 122

122.1

তৃতীয়ো নাকঃ। ১-৫ ভৃগুঃ। বিশ্বকর্মা। ত্রিষ্টুপ্। ৪-৫ জগতী।

এতং ভাগং পরি দদামি বিদ্বান্ বিশ্বকর্মন্ প্রথমজা ঋতস্য ।
অস্মাভির্দত্তং জরসঃ পরস্তাদচ্ছিন্নং তন্তুমনু সং তরেম ॥১॥

ততং তন্তুমন্বেকে তরন্তি যেষাং দত্তং পিত্র্যমায়নেন ।
অবন্ধ্বেকে দদতঃ প্রয়চ্ছন্তো দাতুং চেচ্ছিক্ষান্ত্স স্বর্গ এব ॥২॥

অন্বারভেথামনুসংরভেথামেতং লোকং শ্রদ্দধানাঃ সচন্তে ।
যদ্ বাং পক্বং পরিবিষ্টমগ্নৌ তস্য গুপ্তয়ে দম্পতী সং শ্রয়েথাম্ ॥৩॥

যজ্ঞং যন্তং মনসা বৃহন্তমন্বারোহামি তপসা সয়োনিঃ ।
উপহূতা অগ্নে জরসঃ পরস্তাৎ তৃতীয়ে নাকে সধমাদং মদেম ॥৪॥

শুদ্ধাঃ পূতা যোষিতো যজ্ঞিয়া ইমা ব্রহ্মণাং হস্তেষু প্রপৃথক্ সাদয়ামি ।
যত্কাম ইদমভিষিঞ্চামি বোঽহমিন্দ্রো মরুত্বান্ত্স দদাতু তন্মে ॥৫॥