সূক্ত 121

121.1

সুকৃতলোকপ্রাপ্তিঃ -৪ কৌশিকঃ। অগ্নিঃ, ৩ তারকে। ১-২ ত্রিষ্টুপ্, ৩-৪ অনুষ্টুপ্।

বিষাণা পাশান্ বি ষ্যাধ্যস্মদ্ য উত্তমা অধমা বারুণা যে।
দুষ্বপ্ন্যং দুরিতং নি ষ্বাস্মদথ গচ্ছেম সুকৃতস্য লোকম্ ॥১॥

121.2

যদ্ দারুণি বধ্যসে যচ্চ রজ্জ্বাং যদ্ ভূম্যাং বধ্যসে যচ্চ বাচা।
অয়ং তস্মাদ্ গার্হপত্যো নো অগ্নিরুদিন্নয়াতি সুকৃতস্য লোকম্ ॥২॥

121.3

উদগাতাং ভগবতী বিচৃতৌ নাম তারকে ।
প্রেহামৃতস্য যচ্ছতাং প্রৈতু বদ্ধকমোচনম্ ॥৩॥

121.4

বি জিহীষ্ব লোকং কৃণু বন্ধান্মুঞ্চাসি বদ্ধকম্।
যোন্যা ইব প্রচ্যুতো গর্ভঃ পথঃ সর্বাং অনু ক্ষিয় ॥৪॥