Sukta 121

121.1

Sukritalokapraptih -4 kaushikah, agnih, 3 tarake, 1-2 trishtup, 3-4 anushtup

वि॒षाणा॒ पाशा॒न् वि ष्याध्य॒स्मद् य उ॑त्त॒मा अ॑ध॒मा वा॑रु॒णा ये।
दु॒ष्वप्न्यं॑ दुरि॒तं नि ष्वा॒स्मदथ॑ गच्छेम सुकृ॒तस्य॑ लो॒कम् ॥१॥

Vishana pashan vi shyadhyasmad ya uttama adhama varuna ye
Dushvapnyam duritam ni shvasmadatha gachchhema sukritasya lokam

यद् दारु॑णि ब॒ध्यसे॒ यच्च॒ रज्ज्वां॒ यद् भूम्यां॑ ब॒ध्यसे॒ यच्च॑ वा॒चा।
अ॒यं तस्मा॒द् गार्ह॑पत्यो नो अ॒ग्निरुदिन्न॑याति सुकृ॒तस्य॑ लो॒कम् ॥२॥

Yad daruni badhyase yachcha rajjvam yad bhumyam badhyase yachcha vacha
Ayam tasmad garhapatyo no agnirudinnayati sukritasya lokam

उद॑गातां॒ भग॑वती वि॒चृतौ॒ नाम॒ तार॑के ।
प्रेहामृत॑स्य यच्छतां॒ प्रैतु॑ बद्धक॒मोच॑नम् ॥३॥

Udagatam bhagavati vichritau nama tarake
Prehamritasya yachchhatam praitu baddhakamochanam

वि जि॑हीष्व लो॒कं कृ॑णु ब॒न्धान्मु॑ञ्चासि॒ बद्ध॑कम्।
योन्या॑ इव॒ प्रच्यु॑तो॒ गर्भः॑ प॒थः सर्वां॒ अनु॑ क्षिय ॥४॥

Vi jihishva lokam krinu bandhanmunchasi baddhakam
Yonya iva prachyuto garbhah pathah sarvam anu kshiya