সূক্ত 111

111.1

উন্মত্ততামোচনম্। ১-৪ অথর্বা। অগ্নিঃ। অনুষ্টুপ্, ১ পরানুষ্টুপ্ ত্রিষ্টুপ্।

ইমং মে অগ্নে পুরুষং মুমুগ্ধ্যয়ং যো বদ্ধঃ সুয়তো লালপীতি ।
অতোঽধি তে কৃণবদ্ ভাগধেয়ং যদানুন্মদিতোঽসতি ॥১॥

111.2

অগ্নিষ্টে নি শময়তু যদি তে মন উদ্যুতম্।
কৃণোমি বিদ্বান্ ভেষজং যদানুন্মদিতোঽসসি ॥২॥

111.3

দেবৈনসাদুন্মদিতমুন্মত্তং রক্ষসস্পরি ।
কৃণোমি বিদ্বান্ ভেষজং যদানুন্মদিতোঽসতি ॥৩॥

111.4

পুনস্ত্বা দুরপ্সরসঃ পুনরিন্দ্রঃ পুনর্ভগঃ ।
পুনস্ত্বা দুর্বিশ্বে দেবা যথানুন্মদিতোঽসসি ॥৪॥