Sukta 111

111.1

Unmattatamochanam, 1-4 atharva, agnih, anushtup, 1 paranushtup trishtup

इ॒मं मे॑ अग्ने॒ पुरु॑षं मुमुग्ध्य॒यं यो ब॒द्धः सुय॑तो॒ लाल॑पीति ।
अतोऽधि॑ ते कृणवद् भाग॒धेयं॑ य॒दानु॑न्मदि॒तोऽस॑ति ॥१॥

Imam me agne purusham mumugdhyayam yo baddhah suyato lalapiti
Atodhi te krinavad bhagadheyam yadanunmaditosati

111.2

अ॒ग्निष्टे॒ नि श॑मयतु॒ यदि॑ ते॒ मन॒ उद्यु॑तम्।
कृ॒णोमि॑ वि॒द्वान् भे॑ष॒जं यदानु॑न्मदि॒तोऽस॑सि ॥२॥

Agnishte ni shamayatu yadi te mana udyutam
Krinomi vidvan bheshajam yadanunmaditosasi

111.3

दे॒वै॒न॒सादुन्म॑दित॒मुन्म॑त्तं॒ रक्ष॑स॒स्परि॑ ।
कृ॒णोमि॑ वि॒द्वान् भे॑ष॒जं यदानु॑न्मदि॒तोऽस॑ति ॥३॥

Devainasadunmaditamunmattam rakshasaspari
Krinomi vidvan bheshajam yadanunmaditosati

111.4

पुन॑स्त्वा दुरप्स॒रसः॒ पुन॒रिन्द्रः॒ पुन॒र्भगः॑ ।
पुन॑स्त्वा दु॒र्विश्वे॑ दे॒वा यथानु॑न्मदि॒तोऽस॑सि ॥४॥

Punastva durapsarasah punarindrah punarbhagah
Punastva durvishve deva yathanunmaditosasi