সূক্ত 25

25.1

গর্ভাধানম্। ১-১৩ ব্রহ্ম। যোনিগর্ভঃ, পৃথিব্যাদয়ো দেবতাঃ। অনুষ্টুপ্, ১৩ বিরাট্-পুরস্তাদ্বৃহতী।

পর্বতাদ্ দিবো যোনেরঙ্গাদঙ্গাৎ সমাভৃতম্।
শেপো গর্ভস্য রেতোধাঃ সরৌ পর্ণমিবা দধৎ ॥১॥

যথেয়ং পৃথিবী মহী ভূতানাং গর্ভমাদধে।
এবা দধামি তে গর্ভং তস্মৈ ত্বামবসে হুবে ॥২॥

গর্ভং ধেহি সিনীবালি গর্ভং ধেহি সরস্বতি ।
গর্ভং তে অশ্বিনোভা ধত্তাং পুষ্করস্রজা ॥৩॥

গর্ভং তে মিত্রাবরুণৌ গর্ভং দেবো বৃহস্পতিঃ ।
গর্ভং ত ইন্দ্রশ্চাগ্নিশ্চ গর্ভং ধাতা দধাতু তে ॥৪॥

বিষ্ণুর্যোনিং কল্পয়তু ত্বষ্টা রূপাণি পিংশতু ।
আ সিঞ্চতু প্রজাপতির্ধাতা গর্ভং দধাতু তে ॥৫॥

যদ্ বেদ রাজা বরুণো যদ্ বা দেবী সরস্বতী ।
যদিন্দ্রো বৃত্রহা বেদ তদ্ গর্ভকরণং পিব ॥৬॥

গর্ভো অস্যোষধীনাং গর্ভো বনস্পতীনাম্।
গর্ভো বিশ্বস্য ভূতস্য সো অগ্নে গর্ভমেহ ধাঃ ॥৭॥

অধি স্কন্দ বীরয়স্ব গর্ভমা ধেহি যোন্যাম্।
বৃষাসি বৃষ্ণ্যাবন্ প্রজায়ৈ ত্বা নয়ামসি ॥৮॥

বি জিহীষ্ব বার্হত্সামে গর্ভস্তে যোনিমা শয়াম্।
অদুষ্টে দেবাঃ পুত্রং সোমপা উভয়াবিনম্ ॥৯॥

ধাতঃ শ্রেষ্ঠেন রূপেণাস্যা নার্যা গবীন্যোঃ ।
পুমাংসং পুত্রমা ধেহি দশমে মাসি সূতবে ॥১০॥

ত্বষ্টঃ শ্রেষ্ঠেন রূপেণাস্যা নার্যা গবীন্যোঃ ।
পুমাংসং পুত্রমা ধেহি দশমে মাসি সূতবে ॥১১॥

সবিতঃ শ্রেষ্ঠেন রূপেণাস্যা নার্যা গবীন্যোঃ ।
পুমাংসং পুত্রমা ধেহি দশমে মাসি সূতবে ॥১২॥

প্রজাপতে শ্রেষ্ঠেন রূপেণাস্যা নার্যা গবীন্যোঃ ।
পুমাংসং পুত্রমা ধেহি দশমে মাসি সূতবে ॥১৩॥