সূক্ত 26

26.1

নবশালায়াং ঘৃতহোমঃ। ১২ ব্রহ্ম। বাস্তোষ্পতিঃ, ১ অগ্নিঃ, ২ সবিতা, ৩,১১ ইন্দ্রঃ, ৪ নিবিদঃ, ৫ মরুতঃ, ৬ অদিতিঃ, ৭ বিষ্ণুঃ, ৮ ত্বষ্টা, ৯ ভগঃ, ১০ সোমঃ, ১২ অশ্বিনৌ, বৃহস্পতিঃ। ১, ৫ দ্বিপদার্ষী উষ্ণিক্, ২,৪,৬,৭,৮,১০,১১ দ্বিপদা প্রাজাপত্যা বৃহতী, ৩ ত্রিপদা বিরাড্ গায়ত্রী, ৯ ত্রিপদা পিপীলিকমধ্যা পুরউষ্ণিক্,(১-১১ একাবসানা) ১২ পরাতিশক্বরপী চতুষ্পদা জগতী।

যজূংষি যজ্ঞে সমিধঃ স্বাহাগ্নিঃ প্রবিদ্বানিহ বো যুনক্তু ॥১॥

26.2

যুনক্তু দেবঃ সবিতা প্রজানন্নস্মিন্ যজ্ঞে মহিষঃ স্বাহা ॥২॥

26.3

ইন্দ্র উক্থামদান্যস্মিন্ যজ্ঞে প্রবিদ্বান্ যুনক্তু সুয়ুজঃ স্বাহা ॥৩॥

26.4

প্রৈষা যজ্ঞে নিবিদঃ স্বাহা শিষ্টাঃ পত্নীভির্বহতেহ যুক্তাঃ ॥৪॥

26.5

ছন্দাংসি যজ্ঞে মরুতঃ স্বাহা মাতেব পুত্রং পিপৃতেহ যুক্তাঃ ॥৫॥

26.6

এয়মগন্ বর্হিষা প্রোক্ষণীভির্যজ্ঞং তন্বানাদিতিঃ স্বাহা ॥৬॥

26.7

বিষ্ণুর্যুনক্তু বহুধা তপাংস্যস্মিন্ যজ্ঞে সুয়ুজঃ স্বাহা ॥৭॥

26.8

ত্বষ্টা যুনক্তু বহুধা নু রূপা অস্মিন্ যজ্ঞে সুয়ুজঃ স্বাহা ॥৮॥

26.9

ভগো যুনক্ত্বাশিষো ন্ব১স্মা অস্মিন্ যজ্ঞে প্রবিদ্বান্ যুনক্তু সুয়ুজঃ স্বাহা ॥৯॥

26.10

সোমো যুনক্তু বহুধা পয়াংস্যস্মিন্ যজ্ঞে সুয়ুজঃ স্বাহা ॥১০॥

26.11

ইন্দ্রো যুনক্তু বহুধা বীঽর্যাণ্যস্মিন্ যজ্ঞে সুয়ুজঃ স্বাহা ॥১১॥

26.12

অশ্বিনা ব্রহ্মণা যাতমর্বাঞ্চৌ বষট্কারেণ যজ্ঞং বর্ধয়তৌ ।
বৃহস্পতে ব্রহ্মণা যাহ্যর্বাঙ্ যজ্ঞো অয়ং স্বঽরিদং যজমানায় স্বাহা ॥১২॥