সূক্ত 10

10.1

আত্মরক্ষা ১-৮ ব্রহ্ম। বাস্তোষ্পতিঃ। ১-৬ যবমধ্যা ত্রিপদা গায়ত্রী, ৭ যবমধ্যা ককুপ্, ৮ পুরোধৃতিদ্ব্যনুষ্টুব্গর্ভা পরাষ্টিস্ত্র্যবসানা চতুষ্পদাতিজগতী।

অশ্মবর্ম মেঽসি যো মা প্রাচ্যা দিশোঽঘায়ুরভিদাসাৎ।
এতৎ স ঋচ্ছাৎ ॥১॥

10.2

অশ্মবর্ম মেঽসি যো মা দক্ষিণায়া দিশোঽঘায়ুরভিদাসাৎ।
এতৎ স ঋচ্ছাৎ ॥২॥

10.3

অশ্মবর্ম মেঽসি যো মা প্রতীচ্যা দিশোঽঘায়ুরভিদাসাৎ।
এতৎ স ঋচ্ছাৎ ॥৩॥

10.4

অশ্মবর্ম মেঽসি যো মোদীচ্যা দিশোঽঘায়ুরভিদাসাৎ।
এতৎ স ঋচ্ছাৎ ॥৪॥

10.5

অশ্মবর্ম মেঽসি যো মা ধ্রুবায়া দিশোঽঘায়ুরভিদাসাৎ।
এতৎ স ঋচ্ছাৎ ॥৫॥

10.6

অশ্মবর্ম মেঽসি যো মোর্ধ্বায়া দিশোঽঘায়ুরভিদাসাৎ।
এতৎ স ঋচ্ছাৎ ॥৬॥

10.7

অশ্মবর্ম মেঽসি যো মা দিশামন্তর্দেশেভ্যোঽঘায়ুরভিদাসাৎ।
এতৎ স ঋচ্ছাৎ ॥৭॥

10.8

বৃহতা মন উপ হ্বয়ে মাতরিশ্বনা প্রাণাপানৌ।
সূর্যাচ্চক্ষুরন্তরিক্ষাচ্ছ্রোত্রং পৃথিব্যাঃ শরীরম্।
সরস্বত্যা বাচমুপ হ্বয়ামহে মনোয়ুজা ॥৮॥