Sukta 10

10.1

Atmaraksha 1-8 brahma, vastoshpatih, 1-6 yavamadhya tripada gayatri, 7 yavamadhya kakup, 8 purodhritidvyanushtubgarbha parashtistryavasana chatushpadatijagati

अ॒श्म॒व॒र्म मे॑ऽसि॒ यो मा॒ प्राच्या॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥१॥

Ashmavarma mesi yo ma prachya dishoghayurabhidasat
Etat sa richchhat

10.2

अ॒श्म॒व॒र्म मे॑ऽसि॒ यो मा॒ दक्षि॑णाया दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥२॥

Ashmavarma mesi yo ma dakshinaya dishoghayurabhidasat
Etat sa richchhat

10.3

अ॒श्म॒व॒र्म मे॑ऽसि॒ यो मा॑ प्र॒तीच्या॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥३॥

Ashmavarma mesi yo ma pratichya dishoghayurabhidasat
Etat sa richchhat

10.4

अ॒श्म॒व॒र्म मे॑ऽसि॒ यो मोदी॑च्या दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥४॥

Ashmavarma mesi yo modichya dishoghayurabhidasat
Etat sa richchhat

10.5

अ॒श्म॒व॒र्म मे॑ऽसि॒ यो मा॑ ध्रु॒वाया॑ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥५॥

Ashmavarma mesi yo ma dhruvaya dishoghayurabhidasat
Etat sa richchhat

10.6

अ॒श्म॒व॒र्म मे॑ऽसि॒ यो मो॒र्ध्वाया॒ दि॒शोऽघा॒युर॑भि॒दासा॑त्।
ए॒तत् स ऋ॑च्छात् ॥६॥

Ashmavarma mesi yo mordhvaya dishoghayurabhidasat
Etat sa richchhat

10.7

अ॒श्म॒व॒र्म मे॑ऽसि॒ यो मा॑ दि॒शाम॑न्तर्दे॒शेभ्यो॑ऽघा॒युर॑भि॒दासा॑त्।
ए॒तत् स ऋ॑च्छात् ॥७॥

Ashmavarma mesi yo ma dishamantardeshebhyoghayurabhidasat
Etat sa richchhat

10.8

बृ॒ह॒ता मन॒ उप॑ ह्वये मात॒रिश्व॑ना प्राणापा॒नौ।
सूर्या॒च्चक्षु॑र॒न्तरि॑क्षा॒च्छ्रोत्रं॑ पृथि॒व्याः शरी॑रम्।
सर॑स्वत्या॒ वाच॒मुप॑ ह्वयामहे मनो॒युजा॑ ॥८॥

Brihata mana upa hvaye matarishvana pranapanau
Suryachchakshurantarikshachchhrotram prithivyah shariram
Sarasvatya vachamupa hvayamahe manoyuja