সূক্ত 8

8.1

রাজ্যাভিষেকঃ। ১-৭ অথর্বাঙ্গিরাঃ। চন্দ্রমাঃ, আপঃ, রাজ্যাভিষেকঃ; ১ রাজা, ২ দেবাঃ, ৩ বিশ্বরূপঃ, ৪-৫ আপঃ। অনুষ্টুপ্; ১, ৭ ভুরিক্ ত্রিষ্টুপ্, ৩ ত্রিষ্টুপ্, ৫ বিরাট্ প্রস্তারপঙ্ক্তিঃ।

ভূতো ভূতেষু পয় আ দধাতি স ভূতানামধিপতির্বভূব ।
তস্য মৃত্যুশ্চরতি রাজসূয়ং স রাজা রাজ্যমনু মন্যতামিদম্ ॥১॥

8.2

অভি প্রেহি মাপ বেন উগ্রশ্চেত্তা সপত্নহা।
আ তিষ্ঠ মিত্রবর্ধন তুভ্যং দেবা অধি ব্রুবন্ ॥২॥

8.3

আতিষ্ঠন্তং পরি বিশ্বে অভূষংছ্রিয়ং বসানশ্চরতি স্বরোচিঃ ।
মহৎ তদ্ বৃষ্ণো অসুরস্য নামা বিশ্বরূপো অমৃতানি তস্থৌ ॥৩॥

8.4

ব্যাঘ্রো অধি বৈয়াঘ্রে বি ক্রমস্ব দিশো মহীঃ ।
বিশস্ত্বা সর্বা বাঞ্ছন্ত্বাপো দিব্যাঃ পয়স্বতীঃ ॥৪॥

8.5

যা আপো দিব্যাঃ পয়সা মদন্ত্যন্তরিক্ষ উত বা পৃথিব্যাম্।
তাসাং ত্বা সর্বাসামপামভি ষিঞ্চামি বর্চসা ॥৫॥

8.6

অভি ত্বা বর্চসাসিচন্নাপো দিব্যাঃ পয়স্বতীঃ ।
যথাসো মিত্রবর্ধনস্তথা ত্বা সবিতা করৎ ॥৬॥

8.7

এনা ব্যাঘ্রং পরিষস্বজানাঃ সিংহং হিন্বন্তি মহতে সৌভগায় ।
সমুদ্রং ন সুভুবস্তস্থিবাংসং মর্মৃজ্যন্তে দ্বীপিনমপ্স্ব১ন্তঃ ॥৭॥