সূক্ত 39

39.1

সংনতি ১-১০ অঙ্গিরাঃ, ৯-১০ ব্রহ্ম চ। ১-২ পৃথিব্যগ্নী, ২-৪ বায্বন্তরিক্ষে, ৫-৬ দিবাদিত্যৌ, ৭-৮ দিক্-চন্দ্রমসঃ, ৯-১০ জাতবেদসোঽগ্নিঃ। সংনতিঃ। পঙ্ক্তিঃ, ১,২,৫,৭ ত্রিপদা মহাবৃহতী, ২,৪,৬,৮ সংস্তারপঙ্ক্তিঃ, ৯-১০ ত্রিষ্টুপ্।

পৃথিব্যামগ্নয়ে সমনমন্ত্স আর্ধ্নোৎ।
যথা পৃথিব্যামগ্নয়ে সমনমন্নেবা মহ্যং সংনমঃ সং নমন্তু ॥১॥

39.2

পৃথিবী ধেনুস্তস্যা অগ্নির্বত্সঃ ।
সা মেঽগ্নিনা বত্সেনেষমূর্জং কামং দুহাম্।
আয়ুঃ প্রথমং প্রজাং পোষং রয়িং স্বাহা ॥২॥

39.3

অন্তরিক্ষে বায়বে সমনমন্ত্স আর্ধ্নোৎ।
যথান্তরিক্ষে বায়বে সমনমন্নেবা মহ্যং সংনমঃ সং নমন্তু ॥৩॥

39.4

অন্তরিক্ষং ধেনুস্তস্যা বায়ুর্বত্সঃ ।
সা মে বায়ুনা বত্সেনেষমূর্জং কামং দুহাম্।
আয়ুঃ প্রথমং প্রজাং পোষং রয়িং স্বাহা ॥৪॥

39.5

দিব্যাঽদিত্যায় সমনমন্ত্স আর্ধ্নোৎ।
যথা দিব্যাঽদিত্যায় সমনমন্নেবা মহ্যং সংনমঃ সং নমন্তু ॥৫॥

39.6

দ্যৈর্ধেনুস্তস্যা আদিত্যো বত্সঃ ।
সা ম আদিত্যেন বত্সেনেষমূর্জং কামং দুহাম্।
আয়ুঃ প্রথমং প্রজাং পোষং রয়িং স্বাহা ॥৬॥

39.7

দিক্ষু চন্দ্রায় সমনমন্ত্স আর্ধ্নোৎ।
যথা দিক্ষু চন্দ্রায় সমনমন্নেবা মহ্যং সংনমঃ সং নমন্তু ॥৭॥

39.8

দিশো ধেনবস্তাসাং চন্দ্রো বত্সঃ ।
তা মে চন্দ্রেণ বত্সেনেষমূর্জং কামং দুহাম্ ।
আয়ুঃ প্রথমং প্রজাং পোষং রয়িং স্বাহা ॥৮॥

39.9

অগ্নাবগ্নিশ্চরতি প্রবিষ্ট ঋষীণাং পুত্রো অভিশস্তিপা উ ।
নমস্কারেণ নমসা তে জুহোমি মা দেবানাং মিথুয়া কর্ম ভাগম্ ॥৯॥

39.10

হৃদা পূতং মনসা জাতবেদো বিশ্বানি দেব বয়ুনানি বিদ্বান্।
সপ্তাস্যানি তব জাতবেদস্তেভ্যো জুহোমি স জুষস্ব হব্যম্ ॥১০॥