সূক্ত 32

32.1

সেনাসংয়োজনম্। ১-৭ ব্রহ্ম স্কন্দঃ। মন্যুঃ। ত্রিষ্টুপ্, ১ জগতী।

যস্তে মন্যোঽবিধদ্ বজ্র সায়ক সহ ওজঃ পুষ্যতি বিশ্বমানুষক্।
সাহ্যাম দাসমার্যং ত্বয়া যুজা বয়ং সহস্কৃতেন সহসা সহস্বতা ॥১॥

32.2

মন্যুরিন্দ্রো মন্যুরেবাস দেবো মন্যুর্হোতা বরুণো জাতবেদাঃ ।
মন্যুর্বিশ ঈডতে মানুষীর্যাঃ পাহি নো মন্যো তপসা সজোষাঃ ॥২॥

32.3

অভীঽহি মন্যো তবসস্তবীয়ান্ তপসা যুজা বি জহি শত্রূন্।
অমিত্রহা বৃত্রহা দস্যুহা চ বিশ্বা বসূন্যা ভরা ত্বং নঃ ॥৩॥

32.4

ত্বং হি মন্যো অভিভূত্যোজাঃ স্বয়ংভূর্ভামো অভিমাতিষাহঃ ।
বিশ্বচর্ষণিঃ সহুরিঃ সহীয়ানস্মাস্বোজঃ পৃতনাসু ধেহি ॥৪॥

32.5

অভাগঃ সন্নপ পরেতো অস্মি তব ক্রত্বা তবিষস্য প্রচেতঃ ।
তং ত্বা মন্যো অক্রতুর্জিহীডাহং স্বা তনূর্বলদাবা ন এহি ॥৫॥

32.6

অয়ং তে অস্ম্যুপ ন এহ্যর্বাঙ্ প্রতীচীনঃ সহুরে বিশ্বদাবন্।
মন্যো বজ্রিন্নভি ন আ ববৃত্স্ব হনাব দস্যূংরুত বোধ্যাপেঃ ॥৬॥

32.7

অভি প্রেহি দক্ষিণতো ভবা নোঽধা বৃত্রাণি জঙ্ঘনাব ভূরি ।
জুহোমি তে ধরুণং মধ্বো অগ্রমুভাবুপাংশু প্রথমা পিবাব ॥৭॥