সূক্ত 26

26.1

পাপ-মোচনম্। ১-৭ মৃগারঃ। দ্যাবাপৃথিবী। ত্রিষ্টুপ্, ১ অষ্টিঃ, ২-৩ জগতী, ৭ শাক্বরগর্ভাতিমধ্যেজ্যোতিঃ।

মন্বে বাং দ্যাবাপৃথিবী সুভোজসৌ সচেতসৌ যে অপ্রথেথামমিতা যোজনানি ।
প্রতিষ্ঠে হ্যভবতং বসূনাং তে নো মুঞ্চতমংহসঃ ॥১॥

প্রতিষ্ঠে হ্যভবত বসূনাং প্রবৃদ্ধে দেবী সুভগে উরূচী ।
দ্যাবাপৃথিবী ভবতং মে স্যোনে তে নো মুঞ্চতমংহসঃ ॥২॥

অসন্তাপে সুতপসৌ হুবেঽহমুর্বী গম্ভীরে কবিভির্নমস্যেঽ।
দ্যাবাপৃথিবী ভবতং মে স্যোনে তে নো মুঞ্চতমংহসঃ ॥৩॥

যে অমৃতং বিভৃথো যে হবীংষি যে স্রোত্যা বিভৃথো যে মনুষ্যাঽন্।
দ্যাবাপৃথিবী ভবতং মে স্যোনে তে নো মুঞ্চতমংহসঃ ॥৪॥

যে উস্রিয়া বিভৃথো যে বনস্পতীন্ যয়োর্বাং বিশ্বা ভুবনান্যন্তঃ ।
দ্যাবাপৃথিবী ভবতং মে স্যোনে তে নো মুঞ্চতমংহসঃ ॥৫॥

যে কীলালেন তর্পয়থো যে ঘৃতেন যাভ্যামৃতে ন কিং চন শক্নুবন্তি ।
দ্যাবাপৃথিবী ভবতং মে স্যোনে তে নো মুঞ্চতমংহসঃ ॥৬॥

যন্মেদমভিশোচতি যেনয়েন বা কৃতং পৌরুষেয়ান্ন দৈবাৎ।
স্তৌমি দ্যাবাপৃথিবী নাথিতো জোহবীমি তে নো মুঞ্চতমংহসঃ ॥৭॥