সূক্ত 4

4.1

প্রজাভী রাজ্ঞঃ সংবরণম্। ১-৭ অথর্বা। ইন্দ্রঃ, ২ পঞ্চ প্রদিশঃ, ৪ অশ্বিনৌ, মিত্রাবরুণৌ, বিশ্বে দেবাঃ, মরুতঃ, ৫ দ্যাবাপৃথিবী। ত্রিষ্টুপ্, ১ জগতী, ৪-৫ ভুরিক্।

আ ত্বা গন্ রাষ্ট্রং সহ বর্চসোদিহি প্রাঙ্বি বিশাং পতিরেকরাট্ ত্বং বি রাজ ।
সর্বাস্ত্বা রাজন্ প্রদিশো হ্বয়ন্তূপসদ্যো নমস্যোঽ ভবেহ ॥১॥

4.2

ত্বাং বিশো বৃণতাং রাজ্যাঽয় ত্বামিমাঃ প্রদিশঃ পঞ্চ দেবীঃ ।
বর্ষ্মন্ রাষ্ট্রস্য ককুদি শ্রয়স্ব ততো ন উগ্রো বি ভজা বসূনি ॥২॥

4.3

অচ্ছ ত্বা যন্তু হবিনঃ সজাতা অগ্নির্দূতো অজিরঃ সং চরাতৈ ।
জায়াঃ পুত্রাঃ সুমনসো ভবন্তু বহুং বলিং প্রতি পশ্যাসা উগ্রঃ ॥৩॥

4.4

অশ্বিনা ত্বাগ্রে মিত্রাবরুণোভা বিশ্বে দেবা মরুতস্ত্বা হ্বয়ন্তু ।
অধা মনো বসুদেয়ায় কৃণুষ্ব ততো ন উগ্রো বি ভজা বসূনি ॥৪॥

4.5

আ প্র দ্রব পরমস্যাঃ পরাবতঃ শিবে তে দ্যাবাপৃথিবী উভে স্তাম্।
তদয়ং রাজা বরুণস্তথাহ স ত্বায়মহ্বৎ স উপেদমেহি ॥৫॥

4.6

ইন্দ্রেন্দ্র মনুষ্যাঃ৩ পরেহি সং হ্যজ্ঞাস্থা বরুণৈঃ সংবিদানঃ ।
স ত্বায়মহ্বৎ স্বে সধস্থে স দেবান্ যক্ষৎ স উ কল্পয়াদ্ বিশঃ ॥৬॥

4.7

পথ্যাঽ রেবতীর্বহুধা বিরূপাঃ সর্বাঃ সংগত্য বরীয়স্তে অক্রন্।
তাস্ত্বা সর্বাঃ সংবিদানা হ্বয়ন্তু দশমীমুগ্রঃ সুমনা বশেহ ॥৭॥