সূক্ত 24

24.1

১-৯ বিশ্বামিত্রঃ। ইন্দ্রঃ। গায়ত্রী।

উপ নঃ সুতমা গহি সোমমিন্দ্র গবাশিরম্। হরিভ্যাং যস্তে অস্ময়ুঃ ॥১॥

তমিন্দ্র মদমা গহি বর্হিষ্ঠাং গ্রাবভিঃ সুতম্। কবিন্ন্বঽস্য তৃপ্ণবঃ ॥২॥

ইন্দ্রমিত্থা গিরো মমাচ্ছাগুরিষিতা ইতঃ । আবৃতে সোমপীতয়ে ॥৩॥

ইন্দ্রং সোমস্য পীতয়ে স্তোমৈরিহ হবামহে । উক্থেভিঃ কুবিদাগমৎ ॥৪॥

ইন্দ্র সোমাঃ সুতা ইমে তান্ দধিষ্ব শতক্রতো । জঠরে বাজিনীবসো ॥৫॥

বিদ্মা হি ত্বা ধনংজয়ং বাজেষু দধৃষং কবে । অধা তে সুম্নমীমহে ॥৬॥

ইমমিন্দ্র গবাশিরং যবাশিরং চ নঃ পিব । আগত্যা বৃষভিঃ সুতম্ ॥৭॥

তুভ্যেদিন্দ্র স্ব ওক্যে৩ সোমং চোদামি পীতয়ে । এষ রারন্তু তে হৃদি ॥৮॥

ত্বাং সুতস্য পীতয়ে প্রত্নমিন্দ্র হবামহে । কুশিকাসো অবস্যবঃ ॥৯॥