সূক্ত 23

23.1

১-৯ বিশ্বামিত্রঃ। ইন্দ্রঃ। গায়ত্রী।

আ তূ ন ইন্দ্র মদ্র্যঽগ্ঘুবানঃ সোমপীতয়ে । হরিভ্যাং যাহ্যদ্রিবঃ ॥১॥

সত্তো হোতা ন ঋত্বিয়স্তিস্তিরে বর্হিরানুষক্। অয়ুজ্রন্ প্রাতরদ্রয়ঃ ॥২॥

ইমা ব্রহ্ম ব্রহ্মবাহঃ ক্রিয়ন্ত আ বর্হিঃ সীদ । বীহি শূর পুরোলাশম্ ॥৩॥

রারন্ধি সবনেষু ণ এষু স্তোমেষু বৃত্রহন্। উক্থেষ্বিন্দ্র গির্বণঃ ॥৪॥

মতয়ঃ সোমপামুরুং রিহন্তি শবসস্পতিম্। ইন্দ্রং বত্সং ন মাতরঃ ॥৫॥

স মন্দস্বা হ্যন্ধসো রাধসে তন্বা মহে। ন স্তোতারং নিদে করঃ ॥৬॥

বয়মিন্দ্র ত্বায়বো হবিষ্মন্তো জরামহে । উত ত্বমস্ময়ুর্বসো ॥৭॥

মারে অস্মদ্ বি মুমুচো হরিপ্রিয়ার্বাঙ্ যাহি । ইন্দ্র স্বধাবো মত্স্বেহ ॥৮॥

অর্বাঞ্চং ত্বা সুখে রথে বহতামিন্দ্র কেশিনা । ঘৃতস্নূ বর্হিরাসদে ॥৯॥