সূক্ত 18

18.1

(১-৬) ১-৩ মেধাতিথিঃ প্রিয়মেধাশ্চ, ৪-৬ বসিষ্ঠঃ। ইন্দ্রঃ। গায়ত্রী।

বয়মু ত্বা তদিতর্থা ইন্দ্র ত্বায়ন্তঃ সখায়ঃ । কণ্বা উক্থেভির্জরন্তে ॥১॥

18.2

ন ঘেমন্যদা পপন বজ্রিন্নপসো নবিষ্টৌ । তবেদু স্তোমং চিকেত ॥২॥

18.3

ইচ্ছন্তি দেবাঃ সুন্বন্তং ন স্বপ্নায় স্পৃহয়ন্তি । যন্তি প্রমাদমতন্দ্রাঃ ॥৩॥

18.4

বয়মিন্দ্র ত্বায়বোঽভি প্র ণোনুমো বৃষন্। বিদ্ধি ত্ব১স্য নো বসো ॥৪॥

18.5

মা নো নিদে চ বক্তবেঽর্যো রন্ধীররাব্ণে । ত্বে অপি ক্রতুর্মম ॥৫॥

18.6

ত্বং বর্মাসি সপ্রথঃ পুরোয়োধশ্চ বৃত্রহন্। ত্বয়া প্রতি ব্রুবে যুজা ॥৬॥