সূক্ত 19

19.1

১-৭ বিশ্বামিত্রঃ। ইন্দ্রঃ। গায়ত্রী।

বার্ত্রহত্যায় শবসে পৃতনাষাহ্যায় চ । ইন্দ্র ত্বা বর্তয়ামসি ॥১॥

19.2

অর্বাচীনং সু তে মন উত চক্ষুঃ শতক্রতো । ইন্দ্র কৃণ্বন্তু বাঘতঃ ॥২॥

19.3

নামানি তে শতক্রতো বিশ্বাভির্গীর্ভিরীমহে । ইন্দ্রাভিমাতিষাহ্যে ॥৩॥

19.4

পুরুষ্টুতস্য ধামভিঃ শতেন মহয়ামসি । ইন্দ্রস্য চর্ষণীধৃতঃ ॥৪॥

19.5

ইন্দ্রং বৃত্রায় হন্তবে পুরুহূতমুপ ব্রুবে । ভরেষু বাজসাতয়ে ॥৫॥

19.6

বাজেষু সাসহির্ভব ত্বামীমহে শতক্রতো । ইন্দ্র বৃত্রায় হন্তবে ॥৬॥

19.7

দ্যুম্নেষু পৃতনাজ্যে পৃত্সুতূর্ষু শ্রবঃসু চ । ইন্দ্র সাক্ষ্বাভিমাতিষু ॥৭॥