সূক্ত 128

128.1

খিলানি ।

যঃ সভেয়ো বিদথ্যঃ সুত্বা যজ্বাথ পূরুষঃ ।
সূর্যং চামূ রিশাদসস্তদ্ দেবাঃ প্রাগকল্পয়ন্ ॥১॥

যো জাম্যা অপ্রথয়স্তদ্ যৎ সখায়ং দুধূর্ষতি ।
জ্যেষ্ঠো যদপ্রচেতাস্তদাহুরধরাগিতি ॥২॥

যদ্ ভদ্রস্য পুরুষস্য পুত্রো ভবতি দাধৃষিঃ ।
তদ্ বিপ্রো অব্রবীদু তদ্ গন্ধর্বঃ কাম্যং বচঃ ॥৩॥

যশ্চ পণি রঘুজিষ্ঠ্যো যশ্চ দেবাং অদাশুরিঃ ।
ধীরাণাং শশ্বতামহং তদপাগিতি শুশ্রুম ॥৪॥

যে চ দেবা অয়জন্তাথো যে চ পরাদদিঃ ।
সূর্যো দিবমিব গত্বায় মঘবা নো বি রপ্শতে ॥৫॥

যোনাক্তাক্ষো অনভ্যক্তো অমণিবো অহিরণ্যবঃ ।
অব্রহ্মা ব্রহ্মণঃ পুত্রস্তোতা কল্পেষু সংমিতা ॥৬॥

য আক্তাক্ষঃ সুভ্যক্তঃ সুমণিঃ সুহিরণ্যবঃ ।
সুব্রহ্মা ব্রহ্মণঃ পুত্রস্তোতা কল্পেষু সংমিতা ॥৭॥

অপ্রপাণা চ বেশন্তা রেবাং অপ্রতিদিশ্যয়ঃ ।
অয়ভ্যা কন্যা কল্যাণী তোতা কল্পেষু সংমিতা ॥৮॥

সুপ্রপাণা চ বেশন্তা রেবান্ত্সুপ্রতিদিশ্যয়ঃ ।
সুয়ভ্যা কন্যা কল্যাণী তোতা কল্পেষু সংমিতা ॥৯॥

পরিবৃক্তা চ মহিষী স্বস্ত্যা চ যুধিংগমঃ ।
অনাশুরশ্চায়ামী তোতা কল্পেষু সংমিতা ॥১০॥

বাবাতা চ মহিষী স্বস্ত্যা চ যুধিংগমঃ ।
শ্বাশুরশ্চায়ামী তোতা কল্পেষু সংমিতা ॥১১॥

যদিন্দ্রাদো দাশরাজ্ঞে মানুষং বি গাহথাঃ ।
বিরূপঃ সর্বস্মা আসীৎ সহ যক্ষায় কল্পতে ॥১২॥

ত্বং বৃষাক্ষুং মঘবন্নম্রং মর্যাকরো রবিঃ ।
ত্বং রৌহিণং ব্যাস্যো বি বৃত্রস্যাভিনচ্ছিরঃ ॥১৩॥

যঃ পর্বতান্ ব্যদধাদ্ যো অপো ব্যগাহথাঃ ।
ইন্দ্রো যো বৃত্রহান্মহং তস্মাদিন্দ্র নমোঽস্তু তে ॥১৪॥

পৃষ্ঠং ধাবন্তং হর্যোরৌচ্চৈঃ শ্রবসমব্রুবন্।
স্বস্ত্যশ্ব জৈত্রায়েন্দ্রমা বহ সুস্রম্ ॥১৫॥

যে ত্বা শ্বেতা অজৈশ্রবসো হার্যো যুঞ্জন্তি দক্ষিণম্।
পূর্বা নমস্য দেবানাং বিভ্রদিন্দ্র মহীয়তে ॥১৬॥