সূক্ত 52

52.1

কামঃ। ১-৫ ব্রহ্মাঃ কামঃ। ত্রিষ্টুপ্, ৩ চতুষ্পদা উষ্ণিক্, ৫ উপরিষ্টাদ্বৃহতী।

কামস্তদগ্রে সমবর্তত মনসো রেতঃ প্রথমং যদাসীৎ।
স কাম কামেন বৃহতা সয়োনী রায়স্পোষং যজমানায় ধেহি ॥১॥

52.2

ত্বং কাম সহসাসি প্রতিষ্ঠিতো বিভুর্বিভাবা সখ আ সখীয়তে।
ত্বমুগ্রঃ পৃতনাসু সাসহিঃ সহ ওজো যজমানায় ধেহি ॥২॥

52.3

দূরাচ্চকমানায় প্রতিপাণায়াক্ষয়ে ।
আস্মা অশৃণ্বন্নাশাঃ কামেনাজনয়ন্ত্স্বঃ ॥৩॥

52.4

কামেন মা কাম আগন্ হৃদয়াদ্ধৃদয়ং পরি ।
যদমীষামদো মনস্তদৈতূপ মামিহ ॥৪॥

52.5

যৎ কাম কাময়মানা ইদং কৃণ্মসি তে হবিঃ ।
তন্নঃ সর্বং সমৃধ্যতামথৈতস্য হবিষো বীহি স্বাহা ॥৫॥