Sukta 52

52.1

Kamah, 1-5 brahmah kamah, trishtup, 3 chatushpada ushnik, 5 uparishtadbrihati

काम॒स्तदग्रे॒ सम॑वर्तत॒ मन॑सो॒ रेतः॑ प्रथ॒मं यदासी॑त्।
स का॑म॒ कामे॑न बृह॒ता सयो॑नी रा॒यस्पोषं॒ यज॑मानाय धेहि ॥१॥

Kamastadagre samavartata manaso retah prathamam yadasit
Sa kama kamena brihata sayoni rayasposham yajamanaya dhehi

त्वं का॑म॒ सह॑सासि॒ प्रति॑ष्ठितो वि॒भुर्वि॒भावा॑ सख॒ आ स॑खीय॒ते।
त्वमु॒ग्रः पृत॑नासु सास॒हिः सह॒ ओजो॒ यज॑मानाय धेहि ॥२॥

Tvam kama sahasasi pratishthito vibhurvibhava sakha a sakhiyate
Tvamugrah pritanasu sasahih saha ojo yajamanaya dhehi

दू॒राच्च॑कमा॒नाय॑ प्रतिपा॒णायाक्ष॑ये ।
आस्मा॑ अशृण्व॒न्नाशाः॒ कामे॑नाजनय॒न्त्स्वः ॥३॥

Durachchakamanaya pratipanayakshaye
Asma ashrinvannashah kamenajanayantsvah

कामे॑न मा॒ काम॒ आगन् हृद॑या॒द्धृद॑यं॒ परि॑ ।
यद॒मीषा॑म॒दो मन॒स्तदैतूप॒ मामि॒ह ॥४॥

Kamena ma kama agan hridayaddhridayam pari
Yadamishamado manastadaitupa mamiha

यत् का॑म का॒मय॑माना इ॒दं कृ॒ण्मसि॑ ते ह॒विः ।
तन्नः॒ सर्वं॒ समृ॑ध्यता॒मथै॒तस्य॑ ह॒विषो॑ वीहि॒ स्वाहा॑ ॥५॥

Yat kama kamayamana idam krinmasi te havih
Tannah sarvam samridhyatamathaitasya havisho vihi svaha