সূক্ত 50

50.1

রাত্রিঃ। ১-৭ গোপথঃ। রাত্রিঃ। অনুষ্টুপ্।

অধ রাত্রি তৃষ্টধূমমশীর্ষাণমহিং কৃণু ।
অক্ষৌ বৃকস্য নির্জহ্যাস্তেন তং দ্রুপদে জহি ॥১॥

50.2

যে তে রাত্র্যনড্বাহস্তীক্ষ্ণশৃঙ্গাঃ স্বাশবঃ ।
তেভির্নো অদ্য পারয়াতি দুর্গাণি বিশ্বহা ॥২॥

50.3

রাত্রিংরাত্রিমরিষ্যন্তস্তরেম তন্বা বয়ম্।
গম্ভীরমপ্লবা ইব ন তরেয়ুররাতয়ঃ ॥৩॥

50.4

যথা শাম্যাকঃ প্রপতন্নপবান্ নানুবিদ্যতে ।
এবা রাত্রি প্র পাতয় যো অস্মাং অভ্যঘায়তি ॥৪॥

50.5

অপ স্তেনং বাসো গোঅজমুত তস্করম্।
অথো যো অর্বতঃ শিরোঽভিধায় নিনীষতি ॥৫॥

50.6

যদদ্যা রাত্রি সুভগে বিভজন্ত্যয়ো বসু ।
যদেতদস্মান্ ভোজয় যথেদন্যানুপায়সি ॥৬॥

50.7

উষসে নঃ পরি দেহি সর্বান্ রাত্র্যনাগসঃ ।
উষা নো অহ্নে আ ভজাদহস্তুভ্যং বিভাবরি ॥৭॥