সূক্ত 40

40.1

মেধা। ১-৪ ব্রহ্মাঃ বৃহস্পতিঃ, বিশ্বে দেবাশ্চ। ১ পরাঽনুষ্টুপ্ ত্রিষ্টুপ্, ২ পুরঃ ককুম্মত্যুপরিষ্টাদ্বৃহতী, ৩ বৃহতীগর্ভা, ৪ ত্রিপদাঽর্ষী গায়ত্রী।

যন্মে ছিদ্রং মনসো যচ্চ বাচঃ সরস্বতী মন্যুমন্তং জগাম ।
বিশ্বৈস্তদ্ দেবৈঃ সহ সংবিদানঃ সং দধাতু বৃহস্পতিঃ ॥১॥

40.2

মা ন আপো মেধাং মা ব্রহ্ম প্র মথিষ্টন ।
সুষ্যদা যূয়ং স্যন্দধ্বমুপহূতোঽহং সুমেধা বর্চস্বী ॥২॥

40.3

মা নো মেধাং মা নো দীক্ষাং মা নো হিংসিষ্টং যৎ তপঃ ।
শিবা নঃ শং সন্ত্বায়ুষে শিবা ভবন্তু মাতরঃ ॥৩॥

40.4

যা নঃ পীপরদশ্বিনা জ্যোতিষ্মতী তমস্তিরঃ ।
তামস্মে রাসতামিষম্ ॥৪॥