Sukta 40

40.1

Medha, 1-4 brahmah brihaspatih, vishve devashcha, 1 paranushtup trishtup, 2 purah kakummatyuparishtadbrihati, 3 brihatigarbha, 4 tripadarshi gayatri

यन्मे॑ छि॒द्रं मन॑सो॒ यच्च॑ वा॒चः सर॑स्वती मन्यु॒मन्तं॑ ज॒गाम॑ ।
विश्वै॒स्तद् दे॒वैः स॒ह सं॑विदा॒नः सं द॑धातु॒ बृह॒स्पतिः॑ ॥१॥

Yanme chhidram manaso yachcha vachah sarasvati manyumantam jagama
Vishvaistad devaih saha sanvidanah sam dadhatu brihaspatih

40.2

मा न॒ आपो॑ मे॒धां मा ब्रह्म॒ प्र म॑थिष्टन ।
सु॒ष्य॒दा यू॒यं स्य॑न्दध्व॒मुप॑हूतो॒ऽहं सु॒मेधा॑ वर्च॒स्वी ॥२॥

Ma na apo medham ma brahma pra mathishtana
Sushyada yuyam syandadhvamupahutoham sumedha varchasvi

40.3

मा नो॑ मे॒धां मा नो॑ दी॒क्षां मा नो॑ हिंसिष्टं॒ यत् तपः॑ ।
शि॒वा नः॒ शं स॒न्त्वायु॑षे शि॒वा भ॑वन्तु मा॒तरः॑ ॥३॥

Ma no medham ma no diksham ma no hinsishtam yat tapah
Shiva nah sham santvayushe shiva bhavantu matarah

40.4

या नः॒ पीप॑रद॒श्विना॒ ज्योति॑ष्मती॒ तम॑स्ति॒रः ।
ताम॒स्मे रा॑सता॒मिष॑म् ॥४॥

Ya nah piparadashvina jyotishmati tamastirah
Tamasme rasatamisham