সূক্ত 27

27.1

সুরক্ষা। ১-১৫ ভৃগ্বঙ্গিরাঃ। ত্রিবৃৎ, চন্দ্রমাশ্চ। অনুষ্টুপ্, ৩, ৯ ত্রিষ্টুপ্, ১০ জগতী, ১১ আর্চী উষ্ণিক্, ১২ আর্চ্যনুষ্টুপ্, ১৩ সাম্নী ত্রিষ্টুপ্ (১১-১৩ একাবসানাঃ)।

গোভিষ্ট্বা পাত্বৃষভো বৃষা ত্বা পাতু বাজিভিঃ ।
বায়ুষ্ত্বা ব্রহ্মণা পাত্বিন্দ্রস্ত্বা পাত্বিন্দ্রিয়ৈঃ ॥১॥

27.2

সোমস্ত্বা পাত্বোষধীভির্নক্ষত্রৈঃ পাতু সূর্যঃ ।
মাদ্ভ্যস্ত্বা চন্দ্রো বৃত্রহা বাতঃ প্রাণেন রক্ষতু ॥২॥

27.3

তিস্রো দিবস্তিস্রঃ পৃথিবীস্ত্রীণ্যন্তরিক্ষাণি চতুরঃ সমুদ্রান্।
ত্রিবৃতং স্তোমং ত্রিবৃত আপ আহুস্তাস্ত্বা রক্ষন্তু ত্রিবৃতা ত্রিবৃদ্ভিঃ ॥৩॥

27.4

ত্রীন্নাকাংস্ত্রীন্ত্সমুদ্রাংস্ত্রীন্ ব্রধ্নাংস্ত্রীন্ বৈষ্টপান্।
ত্রীন্ মাতরিশ্বনস্ত্রীন্ত্সূর্যান্ গোপ্তৄন্ কল্পয়ামি ॥৪॥

27.5

ঘৃতেন ত্বা সমুক্ষাম্যগ্ন আজ্যেন বর্ধয়ন্।
অগ্নেশ্চন্দ্রস্য সূর্যস্য মা প্রাণং মায়িনো দভন্ ॥৫॥

27.6

মা বঃ প্রাণং মা বোঽপানং মা হরো মায়িনো দভন্।
ভ্রাজন্তো বিশ্ববেদসো দেবা দৈব্যেন ধাবত ॥৬॥

27.7

প্রানেনাগ্নিং সং সৃজতি বাতঃ প্রাণেন সংহিতঃ ।
প্রাণেন বিশ্বতোমুখং সুর্যং দেবা অজনয়ন্ ॥৭॥

27.8

আয়ুষায়ুঃকৃতাং জীবায়ুষ্মান্ জীব মা মৃথাঃ ।
প্রাণেনাত্মন্বতাং জীব মা মৃত্যোরুদগা বশম্ ॥৮॥

27.9

দেবানাং নিহিতং নিধিং যমিন্দ্রোঽন্ববিন্দৎ পথিভির্দেবয়ানৈঃ ।
আপো হিরণ্যং জুগুপুস্ত্রিবৃদ্ভিস্তাস্ত্বা রক্ষন্তু ত্রিবৃতা ত্রিবৃদ্ভিঃ ॥৯॥

27.10

ত্রয়স্ত্রিংশদ্ দেবতাস্ত্রীণি চ বীর্যাঽণি প্রিয়ায়মাণা জুগুপুরপ্স্ব১ন্তঃ ।
অস্মিংশ্চন্দ্রে অধি যদ্ধিরণ্যং তেনায়ং কৃণবদ্ বীর্যাণি ॥১০॥

27.11

যে দেবা দিব্যেকাদশ স্থ তে দেবাসো হবিরিদং জুষধ্বম্ ॥১১॥

27.12

যে দেবা অন্তরিক্ষ একাদশ স্থ তে দেবাসো হবিরিদং জুষধ্বম্ ॥১২॥

27.13

যে দেবা পৃথিব্যামেকাদশ স্থ তে দেবাসো হবিরিদং জুষধ্বম্ ॥১৩॥

27.14

অসপত্নং পুরস্তাৎ পশ্চান্নো অভয়ং কৃতম্।
সবিতা মা দক্ষিণত উত্তরান্মা শচীপতিঃ ॥১৪॥

27.15

দিবো মাদিত্যা রক্ষন্তু ভূম্যা রক্ষন্ত্বগ্নয়ঃ ।
ইন্দ্রাগ্নী রক্ষতাং মা পুরস্তাদশ্বিনাবভিতঃ শর্ম যচ্ছতাম্।
তিরশ্চীনঘ্ন্যা রক্ষতু জাতবেদা ভূতকৃতো মে সর্বতঃ সন্তু বর্ম ॥১৫॥