সূক্ত 26

26.1

হিরণ্যধারণম্। ১-৪ অথর্বা। অগ্নিঃ, হিরণ্যং চ। ত্রিষ্টুপ্, ৩ অনুষ্টুপ্, ৪ পথ্যাপঙ্ক্তিঃ।

অগ্নেঃ প্রজাতং পরি যদ্ধিরণ্যমমৃতং দধ্রে অধি মর্ত্যেষু ।
য এনদ্ বেদ স ইদেনমর্হতি জরামৃত্যুর্ভবতি যো বিভর্তি ॥১॥

যদ্ধিরণ্যং সূর্যেণ সুবর্ণং প্রজাবন্তো মনবঃ পূর্ব ঈষিরে।
তৎ ত্বা চন্দ্রং বর্চসা সং সৃজত্যায়ুষ্মান্ ভবতি যো বিভর্তি ॥২॥

আয়ুষে ত্বা বর্চসে ত্বৌজসে চ বলায় চ ।
যথা হিরণ্যতেজসা বিভাসাসি জনাঁ অনু ॥৩॥

যদ্ বেদ রাজা বরুণো বেদ দেবো বৃহস্পতিঃ ।
ইন্দ্রো যদ্ বৃত্রহা বেদ তৎ ত আয়ুষ্যং ভুবৎ তৎ তে বর্চস্যং ভুবৎ ॥৪॥