Sukta 26

26.1

Hiranyadharanam, 1-4 atharva, agnih, hiranyam cha, trishtup, 3 anushtup, 4 pathyapanktih

अ॒ग्नेः प्रजा॑तं॒ परि॒ यद्धिर॑ण्यम॒मृतं॑ द॒ध्रे अधि॒ मर्त्ये॑षु ।
य ए॑न॒द् वेद॒ स इदे॑नमर्हति ज॒रामृ॑त्युर्भवति॒ यो बि॒भर्ति॑ ॥१॥

Agneh prajatam pari yaddhiranyamamritam dadhre adhi martyeshu
Ya enad veda sa idenamarhati jaramrityurbhavati yo bibharti

यद्धिर॑ण्यं॒ सूर्ये॑ण सु॒वर्णं प्र॒जाव॑न्तो॒ मन॑वः॒ पूर्व॑ ईषि॒रे।
तत् त्वा॑ च॒न्द्रं वर्च॑सा॒ सं सृ॑ज॒त्यायु॑ष्मान् भवति॒ यो बि॒भर्ति॑ ॥२॥

Yaddhiranyam suryena suvarnam prajavanto manavah purva ishire
Tat tva chandram varchasa sam srijatyayushman bhavati yo bibharti

आयु॑षे त्वा॒ वर्च॑से॒ त्वौज॑से च॒ बला॑य च ।
यथा॑ हिरण्य॒तेज॑सा वि॒भासा॑सि॒ जनाँ॒ अनु॑ ॥३॥

Ayushe tva varchase tvaujase cha balaya cha
Yatha hiranyatejasa vibhasasi janam anu

यद् वेद॒ राजा॒ वरु॑णो॒ वेद॑ दे॒वो बृह॒स्पतिः॑ ।
इन्द्रो॒ यद् वृ॑त्र॒हा वेद॒ तत् त॑ आयु॒ष्यं भुव॒त् तत् ते॑ वर्च॒स्यं भुवत् ॥४॥

Yad veda raja varuno veda devo brihaspatih
Indro yad vritraha veda tat ta ayushyam bhuvat tat te varchasyam bhuvat