সূক্ত 11

11.1

১-১১ অথর্বা। অধ্যাত্মং, ব্রাত্যঃ। ১ দৈবী পঙ্ক্তিঃ, ২ দ্বিপদা পূর্বাত্রিষ্টুবতিশক্বরী, ৩-৬, ৮, ১০ নিচৃদাঽর্চী বৃহতী (১০ ভুরিক্), ৭,৯ দ্বিপদা প্রাজাপত্যা বৃহতী, ১১ দ্বিপদাঽর্চ্যনুষ্টুপ্।

তদ্ যস্যৈবং বিদ্বান্ ব্রাত্যোঽতিথির্গৃহানাগছেৎ ॥১॥

11.2

স্বয়মেনমভ্যুদেত্য ব্রূয়াদ্ ব্রাত্য ক্বাঽবাত্সীর্ব্রাত্যোদকং ব্রাত্য তর্পয়ন্তু ব্রাত্য যথা তে প্রিয়ং তথাস্তু
ব্রাত্য যথা তে বশস্তথাস্তু ব্রাত্য যথা তে নিকামস্তথাস্ত্বিতি ॥২॥

11.3

যদেনমাহ ব্রাত্য ক্বাঽবাত্সীরিতি পথ এব তেন দেবয়ানানব রুন্দ্ধে ॥৩॥

11.4

যদেনমাহ ব্রাত্যোদকমিত্যপ এব তেনাব রুন্দ্ধে ॥৪॥

11.5

যদেনমাহ ব্রাত্য তর্পয়ন্ত্বিতি প্রাণমেব তেন বর্ষীয়াংসং কুরুতে ॥৫॥

11.6

যদেনমাহ ব্রাত্য যথা তে প্রিয়ং তথাস্ত্বিতি প্রিয়মেব তেনাব রুন্দ্ধে ॥৬॥

11.7

ঐনং প্রিয়ং গচ্ছতি প্রিয়ঃ প্রিয়স্য ভবতি য এবং বেদ ॥৭॥

11.8

যদেনমাহ ব্রাত্য যথা তে বশস্তথাস্ত্বিতি বশমেব তেনাব রুন্দ্ধে ॥৮॥

11.9

ঐনং বশো গচ্ছতি বশী বশিনাং ভবতি য এবং বেদ ॥৯॥

11.10

যদেনমাহ ব্রাত্য যথা তে নিকামস্তথাস্ত্বিতি নিকামমেব তেনাব রুন্দ্ধে ॥১০॥

11.11

ঐনং নিকামো গচ্ছতি নিকামে নিকামস্য ভবতি য এবং বেদ ॥১১॥