সূক্ত 10

10.1

১-১১ অথর্বা। অধ্যাত্মং, ব্রাত্যঃ। ১ দ্বিপদা সাম্নী বৃহতী, ২ ত্রিপদাঽর্চী পঙ্ক্তিঃ, ৩ দ্বিপদা প্রাজাপত্যা পঙ্ক্তিঃ, ৪ ত্রিপদা বর্ধমানা গায়ত্রী, ৫ ত্রিপদা সাম্নী বৃহতী, ৬,৮,১০ দ্বিপদা আসুরী গায়ত্রী, ৭, ৯ সাম্নী উষ্ণিক্, ১১ আসুরী বৃহতী।

তদ্ যস্যৈবং বিদ্বান্ ব্রাত্যো রাজ্ঞোঽতিথির্গৃহানাগচ্ছেৎ ॥১॥

10.2

শ্রেয়াংসমেনমাত্মনো মানয়েৎ তথা ক্ষত্রায় না বৃশ্চতে তথা রাষ্ট্রায় না বৃশ্চতে ॥২॥

10.3

অতো বৈ ব্রহ্ম চ ক্ষত্রং চোদতিষ্ঠতাং তে অব্রূতাং কং প্র বিশাবেতি ॥৩॥

10.4

অতো বৈ বৃহস্পতিমেব ব্রহ্ম প্রা বিশত্বিন্দ্রং ক্ষত্রং তথা বা ইতি ॥৪॥

10.5

অতো বৈ বৃহস্পতিমেব ব্রহ্ম প্রাবিশদিন্দ্রং ক্ষত্রম্ ॥৫॥

10.6

ইয়ং বা উ পৃথিবী বৃহস্পতির্দ্যৌরেবেন্দ্রঃ ॥৬॥

10.7

অয়ং বা উ অগ্নির্ব্রহ্মাসাবাদিত্যঃ ক্ষত্রম্ ॥৭॥

10.8

ঐনং ব্রহ্ম গচ্ছতি ব্রহ্মবর্চসী ভবতি ॥৮॥

10.9

যঃ পৃথিবীং বৃহস্পতিমগ্নিং ব্রহ্ম বেদ ॥৯॥

10.10

ঐনমিন্দ্রিয়ং গচ্ছতীন্দ্রিয়বান্ ভবতি ॥১০॥

10.11

য আদিত্যং ক্ষত্রং দিবমিন্দ্রং বেদ ॥১১॥