সূক্ত 12

12.1

১-১১ অথর্বা। অধ্যাত্মং, ব্রাত্যঃ। ১ ত্রিপদা গায়ত্রী, ২ প্রাজাপত্যাবৃহতী, ৩-৪ ভুরিক্প্রাজাপত্যাঽনুষ্টুপ্ (৪ সাম্নী), ৫-৬, ৯-১০ আসুরী গায়ত্রী, ৮ বিরাড্ গায়ত্রী, ৭,১১ ত্রিপদা প্রাজাপত্যা ত্রিষ্টুপ্।

তদ্ যস্যৈবং বিদ্বান্ ব্রাত্য উদ্ধৃতেষ্বগ্নিষ্বধিশ্রিতেঽগ্নিহোত্রেঽতিথির্গৃহানাগচ্ছেৎ ॥১॥

12.2

স্বয়মেনমভ্যুদেত্য ব্রূয়াদ্ ব্রাত্যাতি সৃজ হোষ্যামীতি ॥২॥

12.3

স চাতিসৃজেজ্জুহুয়ান্ন চাতিসৃজেন্ন জুহুয়াৎ ॥৩॥

12.4

স য এবং বিদুষা ব্রাত্যেনাতিসৃষ্টো জুহোতি ॥৪॥

12.5

প্র পিতৃয়াণং পন্থাং জানাতি প্র দেবয়ানম্ ॥৫॥

12.6

ন দেবেষ্বা বৃশ্চতে হুতমস্য ভবতি ॥৬॥

12.7

পর্যস্যাস্মিংল্লোক আয়তনং শিষ্যতে য এবং বিদুষা ব্রাত্যেনাতিসৃষ্টো জুহোতি ॥৭॥

12.8

অথ য এবং বিদুষা ব্রাত্যেনানতিসৃষ্টো জুহোতি ॥৮॥

12.9

ন পিতৃয়াণং পন্থাং জানাতি ন দেবয়ানম্ ॥৯॥

12.10

আ দেবেষু বৃশ্চতে অহুতমস্য ভবতি ॥১০॥

12.11

নাস্যাস্মিংল্লোক আয়তনং শিষ্যতে য এবং বিদুষা ব্রাত্যেনানতিসৃষ্টো জুহোতি ॥১১॥