সূক্ত 4

4.1

অধ্যাত্মম্। (১-১৩ প্রথমঃ পর্যায়ঃ।) ১-১১ প্রাজাপত্যাঽনুষ্টুপ্; ১২ বিরাড্ গায়ত্রী; ১৩আসুরী উষ্ণিক্।

স এতি সবিতা স্বঽর্দিবস্পৃষ্ঠেঽবচাকশৎ ॥১॥

4.2

রশ্মিভির্নভ আভৃতং মহেন্দ্র এত্যাবৃতঃ ॥২॥

4.3

স ধাতা স বিধর্তা স বায়ুর্নভ উচ্ছ্রিতম্।
রশ্মিভির্নভ আভৃতং মহেন্দ্র এত্যাবৃতঃ ॥৩॥

4.4

সোঽর্যমা স বরুণঃ স রুদ্রঃ স মহাদেবঃ।
রশ্মিভির্নভ আভৃতং মহেন্দ্র এত্যাবৃতঃ ॥৪॥

4.5

সো অগ্নিঃ স উ সূর্যঃ স উ এব মহায়মঃ।
রশ্মিভির্নভ আভৃতং মহেন্দ্র এত্যাবৃতঃ ॥৫॥

4.6

তং বত্সা উপ তিষ্ঠন্ত্যেকশীর্ষাণো যুতা দশ ।
রশ্মিভির্নভ আভৃতং মহেন্দ্র এত্যাবৃতঃ ॥৬॥

4.7

পশ্চাৎ প্রাঞ্চ আ তন্বন্তি যদুদেতি বি ভাসতি ।
রশ্মিভির্নভ আভৃতং মহেন্দ্র এত্যাবৃতঃ ॥৭॥

4.8

তস্যৈষ মারুতো গণঃ স এতি শিক্যাকৃতঃ ॥৮॥

4.9

রশ্মিভির্নভ আভৃতং মহেন্দ্র এত্যাবৃতঃ ॥৯॥

4.10

তস্যেমে নব কোশা বিষ্টম্ভা নবধা হিতাঃ ॥১০॥

4.11

স প্রজাভ্যো বি পশ্যতি যচ্চ প্রাণতি যচ্চ ন ॥১১॥

4.12

তমিদং নিগতং সহঃ স এষ এক একবৃদেক এব ॥১২॥

4.13

এতে অস্মিন্ দেবা একবৃতো ভবন্তি ॥১৩॥