সূক্ত 3

3.1

অধ্যাত্মম্। ১-২৬ ব্রহ্মা। অধ্যাত্মম্, রোহিতাদিত্যদৈবত্ম্। ত্রিষ্টুপ্; ১ চতুরবসানাঽষ্টপদাঽকৃতিঃ; ২-৪ ত্র্যব. ষট্-পদা (২-৩ অষ্টিঃ, ২ ভুরিক্ ৪ অতিশাক্বরগর্ভা ধৃতিঃ) ; ৫-৭ চতুর. সপ্তপদা (৫-৬ শাক্বরাতিশাক্বরগর্ভা প্রকৃতিঃ; ৭ অনুষ্টুব্গর্ভাঽতিধৃতিঃ) ; ৮ ত্র্যব. ষট্প. অত্যষ্টিঃ; ৯-১৯ চতুরব. (৯-১২, ১৫, ১৭ সপ্তপদা ভুরিগতিধৃতিঃ; ১৫ নিচৃৎ, ১৭ কৃতিঃ, ১৩-১৪,১৬,১৮-১৯ অষ্টপদা (১৩-১৪ বিকৃতিঃ, ১৬, ১৮-১৯ আকৃতিঃ, ১৯ ভুরিক্) ; ২০, ২২ ত্র্যব. ষট্প. অত্যষ্টিঃ; ২১, ২৩-২৫ চতুরব. অষ্টপদা (২৪ সপ্তপদা কৃতিঃ, ২৩,২৫ বিকৃতি

য ইমে দ্যাবাপৃথিবী জজান যো দ্রাপিং কৃত্বা ভুবনানি বস্তে ।
যস্মিন্ ক্ষিয়ন্তি প্রদিশঃ ষডুর্বীর্যাঃ পতঙ্গো অনু বিচাকশীতি তস্য দেবস্য। ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১॥

3.2

যস্মাদ্ বাতা ঋতুথা পবন্তে যস্মাৎ সমুদ্রা অধি বিক্ষরন্তি তস্য দেবস্য। ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২॥

3.3

যো মারয়তি প্রাণয়তি যস্মাৎ প্রাণন্তি ভুবনানি বিশ্বা তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৩॥

3.4

যঃ প্রাণেন দ্যাবাপৃথিবী তর্পয়ত্যপানেন সমুদ্রস্য জঠরং যঃ পিপর্তি তস্য দেবস্য ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৪॥

3.5

যস্মিন্ বিরাট্ পরমেষ্ঠী প্রজাপতিরগ্নির্বৈশ্বানরঃ সহ পঙ্ক্ত্যা শ্রিতঃ ।
যঃ পরস্য প্রাণং পরমস্য তেজ আদদে তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৫॥

3.6

যস্মিন্ ষডুর্বীঃ পঞ্চ দিশো অধি শ্রিতাশ্চতস্র আপো যজ্ঞস্য ত্রয়োঽক্ষরাঃ ।
যো অন্তরা রোদসী ক্রুদ্ধশ্চক্ষুষৈক্ষত তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৬॥

3.7

যো অন্নাদো অন্নপতির্বভূব ব্রহ্মণস্পতিরুত যঃ ।
ভূতো ভবিষ্যদ্ ভুবনস্য যস্পতিস্তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৭॥

3.8

অহোরাত্রৈর্বিমিতং ত্রিংশদঙ্গং ত্রয়োদশং মাসং যো নির্মিমীতে তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৮॥

3.9

কৃষ্ণং নিয়ানং হরয়ঃ সুপর্ণা অপো বসানা দিবমুৎ পতন্তি ।
ত আববৃত্রন্ত্সদনাদৃতস্য তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥৯॥

3.10

যৎ তে চন্দ্রং কশ্যপ রোচনাবদ্ যৎ সংহিতং পুষ্কলং চিত্রভানু।
যস্মিন্ত্সূর্যা আর্পিতাঃ সপ্ত সাকং তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১০॥

3.11

বৃহদেনমনু বস্তে পুরস্তাদ্ রথংতরং প্রতি গৃহ্ণাতি পশ্চাৎ।
জ্যোতির্বসানে সদমপ্রমাদং তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১১॥

3.12

বৃহদন্যতঃ পক্ষ আসীদ্ রথংতরমন্যতঃ সবলে সধ্রীচী ।
যদ্ রোহিতমজনয়ন্ত দেবাস্তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১২॥

3.13

স বরুণঃ সায়মগ্নির্ভবতি স মিত্রো ভবতি প্রাতরুদ্যন্।
স সবিতা ভূত্বান্তরিক্ষেণ যাতি স ইন্দ্রো ভূত্বা তপতি মধ্যতো দিবং তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৩॥

3.14

সহস্রাহ্ণ্যং বিয়তাবস্য পক্ষৌ হরের্হংসস্য পততঃ স্বর্গম্।
স দেবান্ত্সর্বানুরস্যুপদদ্য সংপশ্যন্ যাতি ভুবনানি বিশ্বা তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৪॥

3.15

অয়ং স দেবো অপ্স্ব১ন্তঃ সহস্রমূলঃ পুরুশাকো অত্ত্রিঃ ।
য ইদং বিশ্বং ভুবনং জজান তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৫॥

3.16

শুক্রং বহন্তি হরয়ো রঘুষ্যদো দেবং দিবি বর্চসা ভ্রাজমানম্।
যস্যোর্ধ্বা দিবং তন্ব১স্তপন্ত্যর্বাঙ্ সুবর্ণৈঃ পটরৈর্বি ভাতি তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৬॥

3.17

যেনাদিত্যান্ হরিতঃ সম্বহন্তি যেন যজ্ঞেন বহবো যন্তি প্রজানন্তঃ ।
যদেকং জ্যোতির্বহুধা বিভাতি তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৭॥

3.18

সপ্ত যুঞ্জন্তি রথমেকচক্রমেকো অশ্বো বহতি সপ্তনামা ।
ত্রিনাভি চক্রমজরমনর্বং যত্রেমা বিশ্বা ভুবনাধি তস্থুস্তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৮॥

3.19

অষ্টধা যুক্তো বহতি বহ্নিরুগ্রঃ পিতা দেবানাং জনিতা মতীনাম্।
ঋতস্য তন্তুং মনসা মিমানঃ সর্বা দিশঃ পবতে মাতরিশ্বা তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥১৯॥

3.20

সংয়ঞ্চং তন্তুং প্রদিশোঽনু সর্বা অন্তর্গায়ত্র্যামমৃতস্য গর্ভে তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২০॥

3.21

নিম্রুচস্তিস্রো ব্যুষো হ তিস্রস্ত্রীণি রজাংসি দিবো অঙ্গ তিস্রঃ ।
বিদ্মা তে অগ্নে ত্রেধা জনিত্রং ত্রেধা দেবানাং জনিমানি বিদ্ম তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২১॥

3.22

বি য ঔর্ণোৎ পৃথিবীং জায়মান আ সমুদ্রমদধাদন্তরিক্ষে তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২২॥

3.23

ত্বমগ্নে ক্রতুভিঃ কেতুভির্হিতো৩র্কঃ সমিদ্ধ উদরোচথা দিবি।
কিমভ্যাঽর্চন্ মরুতঃ পৃশ্নিমাতরো যদ্ রোহিতমজনয়ন্ত দেবাস্তস্য দেবস্য।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২৩॥

3.24

য আত্মদা বলদা যস্য বিশ্ব উপাসতে প্রশিষং যস্য দেবাঃ ।
যো৩স্যেশে দ্বিপদো যশ্চতুষ্পদস্তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২৪॥

3.25

একপাদ্ দ্বিপদো ভূয়ো বি চক্রমে দ্বিপাৎ ত্রিপাদমভ্যেঽতি পশ্চাৎ।
চতুষ্পাচ্চক্রে দ্বিপদামভিস্বরে সংপশ্যন্ পঙ্ক্তিমুপতিষ্ঠমানস্তস্য দেবস্য ।
ক্রুদ্ধস্যৈতদাগো য এবং বিদ্বাংসং ব্রাহ্মণং জিনাতি ।
উদ্ বেপয় রোহিত প্র ক্ষিণীহি ব্রহ্মজ্যস্য প্রতি মুঞ্চ পাশান্ ॥২৫॥

3.26

কৃষ্ণায়াঃ পুত্রো অর্জুনো রাত্র্যা বত্সোঽজায়ত ।
স হ দ্যামধি রোহতি রুহো রুরোহ রোহিতঃ ॥২৬॥