Sukta 4

4.1

Adhyatmam, (1-13 prathamah paryayah, ) 1-11 prajapatyanushtup; 12 virad gayatri; 13asuri ushnik

स ए॑ति सवि॒ता स्वऽर्दि॒वस्पृ॒ष्ठेऽव॒चाक॑शत् ॥१॥

Sa eti savita svardivasprishthevachakashat

4.2

र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥२॥

Rashmibhirnabha abhritam mahendra etyavritah

4.3

स धा॒ता स वि॑ध॒र्ता स वा॒युर्नभ॒ उच्छ्रि॑तम्।
र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥३॥

Sa dhata sa vidharta sa vayurnabha uchchhritam
Rashmibhirnabha abhritam mahendra etyavritah

4.4

सोऽर्य॒मा स वरु॑णः॒ स रु॒द्रः स म॑हादे॒वः।
र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥४॥

Soryama sa varunah sa rudrah sa mahadevah
Rashmibhirnabha abhritam mahendra etyavritah

4.5

सो अ॒ग्निः स उ॒ सूर्यः॒ स उ॑ ए॒व म॑हाय॒मः।
र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥५॥

So agnih sa u suryah sa u eva mahayamah
Rashmibhirnabha abhritam mahendra etyavritah

4.6

तं व॒त्सा उप॑ तिष्ठ॒न्त्येक॑शीर्षाणो यु॒ता दश॑ ।
र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥६॥

Tam vatsa upa tishthantyekashirshano yuta dasha
Rashmibhirnabha abhritam mahendra etyavritah

4.7

प॒श्चात् प्राञ्च॒ आ त॑न्वन्ति॒ यदु॒देति॒ वि भा॑सति ।
र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥७॥

Pashchat prancha a tanvanti yadudeti vi bhasati
Rashmibhirnabha abhritam mahendra etyavritah

4.8

तस्यै॒ष मारु॑तो ग॒णः स ए॑ति शि॒क्याकृ॑तः ॥८॥

Tasyaisha maruto ganah sa eti shikyakritah

4.9

र॒श्मिभि॒र्नभ॒ आभृ॑तं महे॒न्द्र ए॒त्यावृ॑तः ॥९॥

Rashmibhirnabha abhritam mahendra etyavritah

4.10

तस्ये॒मे नव॒ कोशा॑ विष्ट॒म्भा न॑व॒धा हि॒ताः ॥१०॥

Tasyeme nava kosha vishtambha navadha hitah

4.11

स प्र॒जाभ्यो॒ वि प॑श्यति॒ यच्च॑ प्रा॒णति॒ यच्च॒ न ॥११॥

Sa prajabhyo vi pashyati yachcha pranati yachcha na

4.12

तमि॒दं निग॑तं॒ सहः॒ स ए॒ष एक॑ एक॒वृदेक॑ ए॒व ॥१२॥

Tamidam nigatam sahah sa esha eka ekavrideka eva

4.13

ए॒ते अ॑स्मिन् दे॒वा ए॑क॒वृतो॑ भवन्ति ॥१३॥

Ete asmin deva ekavrito bhavanti