সূক্ত 5

5.1

ব্রহ্মগবী। ১-৭২ (কশ্যপঃ?) অথর্বাচার্যঃ। ব্রহ্মগবী। (সপ্ত পর্যায়াঃ) (১-৬) ১ প্রাজাপত্যাঽনুষ্টুপ্, ২,৬ ভুরিক্ সাম্যনুষ্টুপ্, ৩ চতুষ্পদা স্বরাডুষ্ণিক্, ৪ আসুর্যনুষ্টুপ্, ৫ সাম্নী পঙ্ক্তিঃ।

শ্রমেণ তপসা সৃষ্টা ব্রহ্মণা বিত্তর্তে শ্রিতা ॥১॥

5.2

সত্যেনাবৃতা শ্রিয়া প্রাবৃতা যশসা পরীবৃতা ॥২॥

5.3

স্বধয়া পরিহিতা শ্রদ্ধয়া পর্যূঢা দীক্ষয়া গুপ্তা যজ্ঞে প্রতিষ্ঠিতা লোকো নিধনম্ ॥৩॥

5.5

তামাদদানস্য ব্রহ্মগবীং জিনতো ব্রাহ্মণং ক্ষত্রিয়স্য ॥৫॥

5.6

অপ ক্রামতি সূনৃতা বীর্যং১ পুণ্যা লক্ষ্মীঃ ॥৬॥

5.7

(2)
(৭-১১) ৭-৯ আর্চ্যনুষ্টুপ্ (৭ ভুরিক্), ১০ উষ্ণিক্, (৭-১৭ একপদা), ১১ আর্চী নিচৃত্পঙ্ক্তিঃ।
ওজশ্চ তেজশ্চ সহশ্চ বলং চ বাক্ চেন্দ্রিয়ং চ শ্রীশ্চ ধর্মশ্চ ॥৭॥

5.8

ব্রহ্ম চ ক্ষত্রং চ রাষ্ট্রং চ বিশশ্চ ত্বিষিশ্চ যশশ্চ বর্চশ্চ দ্রবিণং চ ॥৮॥

5.9

আয়ুশ্চ রূপং চ নাম চ কীর্তিশ্চ প্রাণশ্চাপানশ্চ চক্ষুশ্চ শ্রোত্রং চ ॥৯॥

5.10

পয়শ্চ রসশ্চান্নং চান্নাদ্যং চর্তং চ সত্যং চেষ্টং চ পূর্তং চ প্রজা চ পশবশ্চ ॥১০॥

5.11

তানি সর্বাণ্যপ ক্রামন্তি ব্রহ্মগবীমাদদানস্য জিনতো ব্রাহ্মণং ক্ষত্রিয়স্য ॥১১॥

(3)
(১২-২৭) ১২ বিরাড্ বিষমা গায়ত্রী, ১৩ আসুর্যনুষ্টুপ্, ১৪, ২৫ সাম্নী উষ্ণিক্, ১৫ গায়ত্রী, ১৬-১৭,
১৯-২০ প্রাজাপত্যাঽনুষ্টুপ্, ১৮ যাজুষী জগতী, ২১,২৫ সাম্ন্যনুষ্টুপ্, ২২ সাম্নী বৃহতী, ২৩ যাজুষী ত্রিষ্টুপ্,
২৪ আসুরী গায়ত্রী, ২৭ আর্চ্যুষ্ণিক্।
সৈষা ভীমা ব্রহ্মগব্য১ঘবিষা সাক্ষাৎ কৃত্যা কূল্বজমাবৃতা ॥১২॥

5.13

সর্বাণ্যস্যাং ঘোরাণি সর্বে চ মৃত্যবঃ ॥১৩॥

5.14

সর্বাণ্যস্যাং ক্রূরাণি সর্বে পুরুষবধাঃ ॥১৪॥

5.15

সা ব্রহ্মজ্যং দেবপীয়ুং ব্রহ্মগব্যাঽদীয়মানা মৃত্যোঃ পদ্বীশ আ দ্যতি ॥১৫॥

5.16

মেনিঃ শতবধা হি সা ব্রহ্মজ্যস্য ক্ষিতির্হি সা ॥১৬॥

5.17

তস্মাদ্ বৈ ব্রাহ্মণানাং গৌর্দুরাধর্ষা বিজানতা ॥১৭॥

5.18

বজ্রো ধাবন্তী বৈশ্বানর উদ্বীতা ॥১৮॥

5.19

হেতিঃ শফানুত্খিদন্তী মহাদেবো৩ঽপেক্ষমাণা ॥১৯॥

5.20

ক্ষুরপবিরীক্ষমাণা বাশ্যমানাভি স্ফূর্জতি ॥২০॥

5.21

মৃত্যুর্হিঙ্কৃণ্বত্যু১গ্রো দেবঃ পুচ্ছং পর্যস্যন্তী ॥২১॥

5.22

সর্বজ্যানিঃ কর্ণৌ বরীবর্জয়ন্তী রাজয়ক্ষ্মো মেহন্তী ॥২২॥

5.23

মেনির্দুহ্যমানা শীর্ষক্তির্দুগ্ধা ॥২৩॥

5.24

সেদিরুপতিষ্ঠন্তী মিথোয়োধঃ পরামৃষ্টা ॥২৪॥

5.25

শরব্যা৩ মুখেঽপিনহ্যমান ঋতির্হন্যমানা ॥২৫॥

5.26

অঘবিষা নিপতন্তী তমো নিপতিতা ॥২৬॥

5.27

অনুগচ্ছন্তী প্রাণানুপ দাসয়তি ব্রহ্মগবী ব্রহ্মজ্যস্য ॥২৭॥

5.28

(4)
(২৮-৩৮) আসুরী গায়ত্রী, ২৯, ৩৭ আসুর্যনুষ্টুপ্, ৩০ সাম্ন্যনুষ্টুপ্, ৩১ যাজষী ত্রিষ্টুপ্, ৩২ সাম্নী গায়ত্রী,
৩৩-৩৪ সাম্নী বৃহতী, ৩৫ ভুরিক্সাম্ন্যনুষ্টুপ্, ৩৬ সাম্ন্যুষ্ণিক্, ৩৮ প্রতিষ্ঠা গায়ত্রী।
বৈরং বিকৃত্যমানা পৌত্রাদ্যং বিভাজ্যমানা ॥২৮॥

5.29

দেবহেতির্হ্রিয়মাণা ব্যৃদ্ধির্হৃতা ॥২৯॥

5.30

পাপ্মাধিধীয়মানা পারুষ্যমবধীয়মানা ॥৩০॥

5.31

বিষং প্রয়স্যন্তী তক্মা প্রয়স্তা ॥৩১॥

5.32

অঘং পচ্যমানা দুষ্বপ্ন্যং পক্বা ॥৩২॥

5.33

মূলবর্হণী পর্যাক্রিয়মাণা ক্ষিতিঃ পর্যাকৃতা ॥৩৩॥

5.34

অসংজ্ঞা গন্ধেন শুগুদ্ধ্রিয়মাণাশীবিষ উদ্ধৃতা ॥৩৪॥

5.35

অভূতিরুপহ্রিয়মাণা পরাভূতিরুপহৃতা ॥৩৫॥

5.36

শর্ব ক্রুদ্ধঃ পিশ্যমানা শিমিদা পিশিতা ॥৩৬॥

5.37

অবর্তিরশ্যমানা নিরৃতিরশিতা ॥৩৭॥

5.38

অশিতা লোকাচ্ছিনত্তি ব্রহ্মগবী ব্রহ্মজ্যমস্মাচ্চামুষ্মাচ্চ ॥৩৮॥

5.39

(5)
(৩৯-৪৬) ৩৯ সাম্নী পঙ্ক্তিঃ, ৪০ যাজুষ্যনুষ্টুপ্, ৪১, ৪৬ ভুরিক্ সাম্ন্যনুষ্টুপ্, ৪২ আসুরী বৃহতী,
৪৩ সাম্নী বৃহতী, ৪৪ পিপীলিকমধ্যাঽনুষ্টুপ্, ৪৫ আর্চী বৃহতী।
তস্যা আহননং কৃত্যা মেনিরাশসনং বলগ ঊবধ্যম্ ॥৩৯॥

5.40

অস্বগতা পরিহ্ণুতা ॥৪০॥

5.41

অগ্নিঃ ক্রব্যাদ্ ভূত্বা ব্রহ্মগবী ব্রহ্মজ্যং প্রবিশ্যাত্তি ॥৪১॥

5.42

সর্বাস্যাঙ্গা পর্বা মূলানি বৃশ্চতি ॥৪২॥

5.43

ছিনত্ত্যস্য পিতৃবন্ধু পরা ভাবয়তি মাতৃবন্ধু ॥৪৩॥

5.44

বিবাহাং জ্ঞাতীন্ত্সর্বানপি ক্ষাপয়তি ব্রহ্মগবী ব্রহ্মজ্যস্য ক্ষত্রিয়েণাপুনর্দীয়মানা ॥৪৪॥

5.45

অবাস্তুমেনমস্বগমপ্রজসং করোত্যপরাপরণো ভবতি ক্ষীয়তে ॥৪৫॥

5.46

য এবং বিদুষো ব্রাহ্মণস্য ক্ষত্রিয়ো গামাদত্তে ॥৪৬॥

5.47

(6)
(৪৭-৬১) ৪৭, ৪৯, ৫১-৫৩, ৫৭-৫৯, ৬১ প্রাজাপত্যাঽনুষ্টুপ্, ৪৮ আর্চ্যনুষ্টুপ্, ৫০ সাম্নী বৃহতী,
৫৪-৫৫ প্রাজাপত্যোষ্ণিক্, ৫৬ আসুরী গায়ত্রী, ৬০ গায়ত্রী।
ক্ষিপ্রং বৈ তস্যাহননে গৃধ্রাঃ কুর্বত ঐলবম্ ॥৪৭॥

5.48

ক্ষিপ্রং বৈ তস্যাদহনং পরি নৃত্যন্তি কেশনীরাঘ্নানাঃ পাণিনোরসি কুর্বাণাঃ পাপমৈলবম্ ॥৪৮॥

5.49

ক্ষিপ্রং বৈ তস্য বাস্তুষু বৃকাঃ কুর্বত ঐলবম্ ॥৪৯॥

5.50

ক্ষিপ্রং বৈ তস্য পৃচ্ছন্তি যৎ তদাসী৩দিদং নু তা৩দিতি ॥৫০॥

5.51

ছিন্ধ্যা চ্ছিন্ধি প্র ছিন্ধ্যপি ক্ষাপয় ক্ষাপয় ॥৫১॥

5.52

আদদানমাঙ্গিরসি ব্রহ্মজ্যমুপ দাসয় ॥৫২॥

5.53

বৈশ্বদেবী হ্যু১চ্যসে কৃত্যা কূল্বজমাবৃতা ॥৫৩॥

5.54

ওষন্তী সমোষন্তী ব্রহ্মণো বজ্রঃ ॥৫৪॥

5.55

ক্ষুরপবির্মৃত্যুর্ভূত্বা বি ধাব ত্বম্ ॥৫৫॥

5.56

আ দত্সে জিনতাং বর্চ ইষ্টং পূর্তং চাশিষঃ ॥৫৬॥

5.57

আদায় জীতং জীতায় লোকে৩ঽমুষ্মিন্ প্র যচ্ছসি ॥৫৭॥

5.58

অঘ্ন্যে পদবীর্ভব ব্রাহ্মণস্যাভিশস্ত্যা ॥৫৮॥

5.59

মেনিঃ শরব্যাঽ ভবাঘাদঘবিষা ভব ॥৫৯॥

5.60

অঘ্ন্যে প্র শিরো জহি ব্রহ্মজ্যস্য কৃতাগসো দেবপীয়োররাধসঃ ॥৬০॥

5.61

ত্বয়া প্রমূর্ণং মৃদিতমগ্নির্দহতু দুশ্চিতম্ ॥৬১॥

5.62

(7)
(৬২-৭৩) ৬২-৬৪, ৬৬,৬৮-৭০ প্রাজাপত্যাঽনুষ্টুপ্, ৬৫ গায়ত্রী, ৬৭ প্রাজাপত্যা গায়ত্রী, ৭১ আসুরী পঙ্ক্তিঃ,
৭২ প্রাজাপত্যা ত্রিষ্টুপ্ ৭৩ আসুর্যুষ্ণিক্।
বৃশ্চ প্র বৃশ্চ সং বৃশ্চ দহ প্র দহ সং দহ ॥৬২॥